24 Shtator 2018

Ambasadorët e rinj, projekt që po sjell ndryshime në komunitet

Prishtinë, 1 nëntor - Projekti Ambasadorët e Rinj, që FIQ po realizon momentalisht në Viti dhe Kaçanik, ka mbledhë rreth vetes 10 ambasadorë të rinj, të cilët po mobilizojnë 10 grupe joformale, brenda të cilave grupe ka numër të konsiderueshëm të rinjësh, që po ndërmarrin aktivitete praktike në këto komuna.

Disa nga idetë e realizuara nga dhjetë grupet joformale përfshijnë furnizimin me libra të bibliotekës së Kaçanikut, përmirësimin e ndriçimit në Gjimnazin “Skënderbeu”, ulëse në stacionin e autobusëve, promovimin e leximit nëpërmjet mini-bibliotekës dhe ndarjes së librave, riparimin e ulëseve në parkun e qytetit si dhe ndriçimin në gjimnaz. 

Po ashtu, në Viti gjatë kësaj jave janë promovuar “Lojëra për fëmijë” në fshatin Sllatinë e Poshtme, “ulëse dhe shporta” për shkollën e fshatit Terstenik projekte të realizuara nga grupet joformale që vijnë nga këto fshatra.

Gjatë këtij muaji pritet të promovohen, “mini-biblioteka” në Pozheran, “shporta recikluese” për gjimnazin e Vitisë, “ulëse në stacionin e autobusëve” dhe “parking për biçikleta” në qytetin e Vitisë.

Fuqizimi i komuniteteve, në këtë rast i të rinjëve, përmes grupeve joformale, është synimi kryesor i projektit “Ambasadorët e Rinj”.

Projekti ka filluar në Maj 2017 dhe kjo fazë do të vazhdoj deri në Dhjetor, ku do të bëhet paraqitja e të gjitha ideve të realizuara.

Si rrjedhojë e suksesit të projektit në këto komuna, në fazën tjetër, FIQ do të zgjeroj projektin në gjithë Kosovën  nëpërmjet platformës “Ambasadorët e Rinj” e cila do të jetë e hapur për vullnetarët e të gjitha komunave pa përjashtim, të cilët dëshirojnë të zhvillojnë projekte inovative për zgjidhje të problemeve në komunitetet e tyre në këto fusha:  Sport, Kulturë dhe Art, Gazetari dhe Inovacion.

Kjo platformë do të zhvillohet nga 5 Ambasadorët e zgjedhur  të cilët do të jenë përgjegjës për zgjedhjen e ideve, mbështetjen dhe monitorimin e tyre.

Objektivat e projektit Ambasadorët e Rinj janë: fuqizimi i kapaciteteve të grupeve joformale të të rinjve dhe  ofrimi i mundësisë që të rinjtë të bëhen kontribues efektiv në zhvillimin e qëndrueshëm socio-ekonomik në komunitetet e tyre nëpërmjet aktivizmit qytetar.

Ambasadorët e Rinj  kanë përdorur në mënyrë të suksesshme shkathtësitë e fituara gjatë trajnimit për ngritje të kapaciteteve dhe kanë identifikuar grupet joformale, si dhe kanë qenë vet ata “pronar” të projektit, duke zgjedhur dhe monitoruar vet grantet e vogla për aktivitete të përbashkëta në komunitet.

 Dhjetë grupe joformale në të  dyja komunat kanë përdorur në mënyrë të suksesshme  shkathtësitë e fituara gjatë trajnimit; informimin, mobilizim të resurseve lokale, ngritje të fondeve, dhe implementim të aktiviteteve. Rreth 100 të rinjë të këtyre komunave janë përfshirë në projekt në mënyrë direkte apo jodirekte.

Në këtë projekt janë aktivizuar 10 grupe joformale ku gjatë implementimit të ideve kanë organizuar aktivitete si: takime me të rinjë, prezantime në shkolla, takime me udhëheqës komunal, takime me biznese për ngritje të fondeve,  takime me shkrimtarë dhe organizim të aktiviteteve të përbashkëta.

Nëpërmjet punës me të rinjtë, FIQ synon që të vë në pah potencialin e tyre, të drejtojë energjinë e tyre drejt ndryshimeve në vend dhe t’i bëjë të rinjtë të ndihen aktiv dhe produktiv në komunitetet e tyre.
 

Kalendari

Ngajrjet e datës 24 shtator 2018

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Projektligjit për Transmetuesin Publik të Kosovës, shqyrtimi i Projektligjit për Pagat në Sektorin Publik, etj. (Ndërtesa e Kuvendit, salla N204, ora 10:00)

- Misioni i OSBE-së do të publikojë dy raporte që kanë të bëjnë me legjislacionin dygjuhësh dhe respektimin e të drejtave gjuhësore në Policinë e Kosovës, në kuadër të aktiviteteve të shumta për shënimin e Ditës Evropiane të Gjuhëve. (Swiss Diamond Hotel, ora 10:30)

- Grupi për Studime Juridike dhe Politike organizon tryezën e Diskutimit me temë "Monitorimi i Planit Strategjik të KPK-së: Ku po qëndron sistemi prokurorial në luftën kundër korrupsionit dhe krimit ekonomik?". (Hotelin Swiss Diamond, ora 10:30)

- Ministria e Kulturës, Rinisë dhe Sportit mban ceremonin e ndarjes së certifikatave për të rinj për shkathtësitë e buta. (Salla e konferencave Orion, përballë Kino ABC, ora 10:30)

- Në kuadër të Javës së Sportit Evripian Federate e çiklizimit te Kosovës organizon garën e hapur çiklistike për të gjitha kategoritë dhe grupmoshat nga 20 deri 100 km. (Gjilan, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të shoqëroj Drejtoreshën e Korpusit të Paqës, Dr. Darlene Grant, gjatë vizitës ku ata do të përcjellin një Vullnetare të Korpusit të Paqës në punë në shkollën e saj në një fshat të Kosovës. (Shkolla fillore “Nëna Tereza”, fshati Vranidoll, ora 11:15)

- Organizata ETEA, në bashkëpunim me Komunën e Prishtinës, do ta organizojë “Ditën e Librit të Ndaluar” me temën “Librat digjen, (por) idetë jo”, si përgjigje ndaj cenzurës, me theks të veçantë te cenzurimi i librave. (Sheshi “Zahir Pajaziti”, ora 12:00)

- Kryetari i LDK-së, Isa Mustafa mban mbledhje me Grupin Parlamentar të LDK-së. (Hotel Sirius, ora 12:00)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për ratifikimin e Marrëveshjes për sigurime sociale ndërmjet Republikës së Kosovës dhe Konfederatës së Zvicrës, ndërmjet Republikës së Kosovës dhe Mbretërisë së Belgjikës. (Ndërtesa e Kuvendit, salla N 302, ora 13:00)

- Kryetari i LDK-së, Isa Mustafa mban mbledhje me kryesinë e LDK-së. (Hotel Sirius, ora 14:00)

- Ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder do të nënshkruajnë marrëveshjen për kredi në vlerë prej 5.349 milionë euro për financimin e projektit të trajtimit të ujërave të zeza në Komunën e Podujevës. (Ndërtesa e  Qeverisë, kati 11, ora 15:00)

- Mbahet diskutim i hapur me shkrimtarin dhe publicistin Veton Surroi mbi temën “Librat digjen, (por) idetë jo” me moderim nga Liridona Sijarina. (Lapidariumi i Muzeut Kombëtar të Kosovës, ora 15:00)

- Anëtarët e Komisionit për të Drejtat e Njeriut, Barazi Gjinore, për Persona të Pagjetur dhe Peticione takohen me Robert Gajda, Komisioner për Mbrojtjen nga Diskriminimi në Republikën e Shqipërisë.  (Ndërtesa e Kuvendit, salla N 302, ora 15:00)

- Partia Socialdemokrate bën hapjen e zyrave në qytetin e Mitrovicës. (Zyrat gjenden në afërsi të Raiffeisen Bank dhe IPKO-s, ora 18:00)

- Organizohet shfaqja e filmit “Fahrenheit 451” në bashkëpunim me “Film n’park”. (Parku i Qytetit të Prishtinës, ora 19:00)