24 Qershor 2018

Ambasada Britanike, MKK dhe BE, financojnë dy projekte në Klinë

Klinë, 10 janar - Në Komunën e Klinës, do të realizohen dy projekte të rëndësishme. Njëri prej tyre ka të bëjë me rregullimin e rrugës deri te Manastiri i Budisalcit dhe projekti tjetër ka të bëjë me kthimin dhe integrimin e personave të zhvendosur.

Sot, kryetari i Komunës së Klinës, Zenun Elezaj, është takuar me zyrtarët e IOM-it, që implementon këto dy projekteve.

“Komuna e Klinës është e gatshme të ofrojë gjithë potencialin e nevojshëm në realizimin e këtyre dy projekteve. Çdo projekt është i rëndësishëm dhe ne shprehim gatishmërinë tonë për të ndihmuar në këtë drejtim”, ka thënë me këtë rast, kryetari Elezaj.

Ai është njoftuar nga afër me projektet në fjale të cilat do të fillojnë të realizohen gjatë këtij muaji.

Projekti për asfaltimin e rrugës 500 metra deri të Manastiri i Budisalcit është financuar nga Ambasada e Britanisë së Madhe me 32 mijë euro dhe Ministria për Komunitete dhe Kthim me 8 mijë euro. FSK-ja, do të bëjë rregullimin, trasimin dhe shtruarjen e rrugës me zhavorr ndërsa firma e kontraktuar do të bëjë asfaltimin e saj.

Projekti i dytë që financohet nga Bashkimi Evropian dhe MKK-ja, ka të bëjë me kthimin dhe integrimin e personave të zhvendosur nga Kosova, faza e 5.

Këtu parashikohet ndihma në kthim dhe integrim të komuniteteve të zhvendosur, serbë, ashkali, egjiptianë dhe romë që dëshirojnë të kthehen në Kosovë.

Projekti do të zgjasë 42 muaj dhe përfshin, rindërtimin e shtëpive dhe asistencë në gjenerimin e të hyrave për familjet që kthehen. 

Ky veprim do të kontribuojë në një shoqëri multietnike stabile në Kosovë duke mundësuar kushte jetësore të qëndrueshme dhe integrim të personave të zhvendosur në shoqërinë kosovare, duke përfshirë personat e zhvendosur brenda vendit dhe rajon.

Aktorët kyç janë MKK-ja, Zyra Kthimit në Klinë, Grupet Punuese Komunale, organizatat lokale ndërkombëtare dhe Agjencionet e Kombeve të Bashkuara.​

 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)