24 Qershor 2018

6 vepra artistike të Rrezeart Galices ekspozohen në Koren e Jugut

Prishtinë, 8 gusht - Sot, nga Universiteti Nameseoul në Kore të Jugut njoftuan se nga ekspozita e artistit Rrezeart Galica, e titulluar “Përtej homazhit…”, në galerinë Iang në Seul, bordi i seleksionimit të veprave artistike ka vendosur që në koleksionin e përhershëm të Qendrës së Artit të Universitetit Nameseoul, ata do të ndalin dhe ekspozojnë përgjithmonë 6 vepra artistike të cilat titullohen: EBOLA, EU Capital BOMB-ATTACK, EU Integration, FAST FOOD CAN KILL YOU, Gaza Massacre, WE ARE ALL CHARLIE! Autori i këtyre veprave sot ka pranuar certifikatën me të cilën vërtetohet se këto vepra janë të listuara si koleksion i Qendrës së Artit të Universiteti Nameseoul të Koresë së Jugut.

Vlen të theksohet se ky Korea e Jugut është vendi dytë që koleksionon veprat artistike të Rrezeart Galicës pas Polonisë, Muzeut i Posterit në Uilanou në vitin 2014 mes qindra veprash ndali për ekspozim dhe koleksionim të përhershëm veprën “The World is Mine”.

Ndërsa sa i përket ekspozitës personale “Përtej homazhit...”, ajo vazhdon të mbetet e hapur për publikun korean deri në fund të këtij muaji. Ekspozita “Përtej homazhit…” kurohet nga profesori i dizajnit grafik në Universitetin Nameseul të Koresë së Jugut, z. Byoung II Sun.

 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)