28 Mars 2024

Zgjidhja e ujit të pijes për Klinën është çështje muajsh

Klinë, 8 shtator - Ministri i Ekonomisë dhe Ambientit, Blerim Kuçi ka vizituar sot komunën e Klinës, ku u prit nga kryetari i kësaj komune, Zenun Elezaj.

Halli kryesor i Komunës së Klinës është uji i pijes dhe qytetarët e kësaj komune gjatë muajve të nxehtë nuk kanë ujë në shtëpitë e tyre.

Ministri Blerim Kuçi këtë kishte edhe synimin kryesor të vizitës, për të ardhur në versionet e duhura për të gjetur zgjidhjen e ujit të pijes, sikur zgjidhjen emergjente, ashtu edhe afatgjate.

“Bashkë me ne kanë qenë edhe ekspert dhe udhëheqës të ndërmarrjes qendrore që merret me menaxhimin e ujërave “Hidrodrini”.

Duke marr parasysh që Ministria jonë menaxhon me të gjitha ndërmarrjet publike që janë në fushën e ujërave jemi dakorduar edhe në përkrahjen buxhetore por edhe në asistencë teknike për furnizimin me ujë emergjent në Komunën e Klinës dhe që ta bëjmë një studim për zgjidhjen afatgjatë për furnizim me ujë të pijshëm. Kjo ka qenë arsyeja e takimit dhe do të shkojmë më tutje”, ka thënë Kuçi, që ka vizituar edhe stacionin e ujësjellësit të Klinës.

Ministri Kuçi në Klinë ka prezantuar edhe projektet e së ardhmes që janë planifikuar në buxhetin e viteve të ardhshme që kanë të bëjnë me ambient dhe zhvillim ekonomik.

 

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)