26 Shkurt 2021

Ujësjellësi 'Prishtina' nuk është duke aplikuar reduktime të ujit të pijshëm

Prishtinë, 16 maj - Kompania Rajonale e Ujësjellësit 'Prishtina' ka njoftuar se nuk është duke aplikuar reduktime të ujit të pijshëm, në asnjë zonë të shërbimit.

"Ne, gjatë ditës së sotme kemi dhënë deklarata lidhur me furnizimin me ujë dhe mundësinë e aplikimit të reduktimeve të ujit, duke filluar nga muaji korrik 2020 në zonat që furnizohen nga sistemi i Badocit."

"E kemi sqaruar se mund të vijë një situatë e tillë, për shkak të mungesës së reshjeve atmosferike mbi vendin tonë, gjë që ka ndikuar dukshëm në rënien e nivelit të ujit në liqenet akumuluese sipërfaqësore Batllava e Badoci", thekson KRU Prishtina.

KRU Prishtina thotë se janë të detyruar të sqarohen dhe të reagojnë në këto orë të vona të mbrëmjes, për shkak të disa mediave se, kinse ujësjellësi në kohë pandemie po aplikon reduktime në lagjen Bregu i Diellit."

"Po kush më mirë se ne, në kohë pandemie kemi mbajtur një furnizim jashtëzakonisht të mirë në të gjitha zonat operative."

"Po kush më mirë se ne, kur punëtorët tanë duke e rrezikuar shëndetin nëpër pastrime kanalizimesh e rrjedhjesh të mëdha të ujit, duke u qëndruar besnik punës në shërbim të konsumatorëve! Ju lutem, të jeni korrekt në shpërndarjen e informacionit", nënvizon KRUP.

Konsumatorët nëse hasin në ndonjë problem eventual me mungesë uji , adresa e saktë orientuese  është KRU "Prishtina" sh.a.
 

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)