09 Mars 2021

Ujësjellësi 'Prishtina' në gjendje gatishmërie për të gjithë konsumatorët

Prishtinë, 18 mars - Ushtruesi i Detyrës së kryeshefit ekzekutiv Kapllan Parduzi dhe menaxhmenti i Kompanisë Rajonale të Ujësjellësit 'Prishtina' (KRUP) ka bërë të ditur se janë mbledhur sërish gjatë ditës së sotme në objektin e drejtorisë që të diskutojnë për ecurinë e zbatimit të masave kundër përhapjes së virusit Covid -19, mbajtjen në vazhdimësi të furnizimit të rregullt me ujë  për të gjithë konsumatorët në zonën e shërbimit dhe njëkohësisht u bëjmë thirrje qytetarëve për shpenzim racional të ujit të pijshëm si shkak i rritjes së konsumit ditëve të fundit.

"Ne jemi në gjendje gatishmërie, të mobilizuar si asnjëherë më parë që të zbatojmë secilin  vendim të  Qeverisë së Republikës së Kosovës, dhe  institucioneve tjera relevante të Republikës."

"Jemi në gjendje gatishmërie për çdo konsumatorë, institucion, me theks të veçantë për Qendrën Klinike Universitare të Republikës së Kosovës dhe solidarizim me të gjithë mjekët dhe infermierët që sot janë aty, për ne".

""Nuk ka vend për shqetësime rreth furnizimit me ujë të pijshëm", ka thënë Parduzi.

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)