05 Qershor 2020

Turqia fillon shpimet për nxjerrjen e naftës në Detin Mesdhe

Ankara, 31 tetor - Anija eksploruese e hidrokarbureve “Fatih”, e cila në muajin maj është përcjellë për ekspeditë në Mesdhe, do të bëjë sondimin e parë në pusin me emrin ‘Alanya-1’.

Ministri i Energjetikës dhe Burimeve Natyrore të Turqisë, Fatih Donmez në fjalën e tij mbajtur në ceremoninë e organizuar me rastin e fillimit të sondimit të parë në thellësi të mëdha tha se historia turke ka përjetuar një të parë, ndërsa vijoi me këto fjalë: “Me anijen Fatih po hedhim hapin më të madh të kombëtarizimit në sektorin e energjisë, për herë të parë realizojmë sondime në thellësi të mëdha në det”.

“Më herët janë kryer punimet sizmike me anijen ‘Barbaros Hayreddin Pasha’ dhe çështja është analizuar nga ana e ekspertëve”, tha ministri Donmez dhe shtoi se “Vendimi për fillimin e sondimit në pusin ‘Alanya-1’ është marrë si rezultat i këtyre analizave. Urojë që ky hap, i cili do të rrit sigurinë tonë në furnizimin me energji, të jetë i dobishëm”.

Donmez gjithashtu tha se anija “Fatih” është e pajisur me pajisje më të sofistikuara të gjeneratës së 6-të dhe në saje të sistemit të pozicionimit aktiv është në gjendje të qëndrojë në një vend edhe në valë të larta 6 metra.

Ministri i Energjetikës dhe Burimeve Natyrore tërhoqi vëmendjen se anija “Fatih” në saje të teknologjisë së avancuar është në gjendje të veprojë edhe në kushtet më të vështira, ndërsa tha se anija dallohet në mesin e anijeve të këtij lloji dhe radhitet e 5-ta në botë.

“Të gjitha operacionet do ti zhvillojmë në kuadër të rregullave dhe rregulloreve ndërkombëtare. Gjatë sondimit do të përdorim një teknologji të sofistikuar për të mos dëmtuar mjedisin, jetën dhe krijesat detare”, bëri të ditur Donmez.

"Qëllimi ynë është të hapim dy puse mesatarisht në vit me anijen Fatih", tha Donmez, duke shtuar se shpimi i parë në Alanya-1 është planifikuar për një periudhë prej gati 150 ditësh.

Duke tërhequr vëmendjen se anija “Fatih” është e shoqëruar nga marina turke dhe rojet bregdetare, ministri Donmez tha: "Nuk ka rreziqe sigurie. Megjithatë, nëse ndodh provokim, forcat tona detare do të bëjnë atë që është e nevojshme".

Dönmez njoftoi se Turqia është e gatshme të blejë një anije të dytë sondimi për të shtuar punimet e kërkimit dhe shtoi se sipas të gjitha gjasave muajin e ardhshëm në rajonin e Mersinit në Turqinë jugore do të fillojnë punime të tjera të shpimit të cekët.

Në anije do të punojnë më shumë se 200 personel i specializuar. Anija turke do të kërkojë naftë dhe gaz natyror në Mesdhe. Kjo anije është e gjatë 229 metra dhe mund të shpojë deri në thellësinë 12 mijë e 200 metra.

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)