03 Mars 2021

Toyota tërheq 1,2 milionë automjete, defekt në pompën e karburantit

Tokio, 6 mars - Gjiganti japonez i automobilistikës, Toyota, ka vendosur të tërheqë 1,2 milionë makina në Shtetet e Bashkuara të Amerikës për shkak të një defekti të mundshëm në pompën e karburantit.

Sipas njoftimit të lëshuar nga Toyota, defekti në fjalë mund të shkaktojë ndaljen e makinave.

“Në këtë kontekst, tërheqja përfshin jo vetëm modelet e markës luksoze të automobilave Lexus, por edhe kamionët, xhipet, mjetet e lehta tregtare dhe automobilat e tjerë të prodhuar nga Toyota”, theksohet në njoftimin e lëshuar nga prodhuesi japonez, i cili shton se bashkë me makinat e tërhequra më përpara ky numër do të arrijë në 1,8 milionë.

“Procesi i tërheqjes përfshin modelet Toyota Avalon, Camry, Corolla, Highlander, Sequoia, Tacoma e Tundra, si dhe modelet Lexus ES 350, GS 350, IS 300, IS 350, LC 500, LC 500h, LS 500, LS 500h, RC 300, RC 350 dhe RX 350L të prodhuara në vitet 2018 e 2019. Pronarët e automjeteve do të informohen në fillim të muajit maj. Pompa e karburantit do t’u ndërrohet gjithsej 1,2 milionë automjeteve në SHBA”, sqarohet në njoftimin e Toyota-s.

Kompania automobilistike japoneze pati tërhequr edhe në muajin janar rreth 700 mijë automjete për të njëjtin defekt.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)