08 Mars 2021

"Tesla", prodhuesja e automjeteve me vlerë më të lartë

New York, 2 korrik - "Tesla" u bë të mërkurën kompania e prodhimit të automjeteve me vlerën më të lartë, ndërsa aksionet e saj u rritën, duke shënuar vlera record, dhe kapitalizimi i tregut i kompanisë e kaloi atë të "Toyota"-s.

Aksionet e "Tesla"-s u rritën me 5 për qind në mëngjesin e së mërkurës, duke arritur nivelin rekord prej 1 133 dollarësh amerikanë.

Kapitalizim i tregut të kompanisë u rrit në mbi 209 miliardë dollarë, afro 6 miliardë dollarë më shumë sesa vlerësohet tani "Toyota" nga investitorët.

"Tesla" ka tani më shumë se trefishin e vlerës së përbashkët të kompanive amerikane "General Motors" dhe "Ford Motor".

Drejtori i menaxhimit të letrave me vlerë Wedbush Daniel Ives thotë:

"Është një tjetër arritje e madhe për Muskun dhe gjithçka që 'Tesla' ka bërë në tregun e automjeteve elektrike. Dhe është fjala tani për një industri prej 1 trilion dollarësh, që është depërtuar vetëm 3 % sot."

"Sot për sot është bota e Elon Muskut dhe e 'Tesla'-s, dhe të gjithë të tjerët po 'paguajnë qira' kur është fjala për tregun e automjeteve elektrike. Dhe mendoj se vlera e ngritur nga oferta e pamjaftueshme vazhdon t'i rrisë aksionet, veçanërisht pasi furnizimi duket në gjendje të mirë, madje edhe gjatë pandemisë së COVID-19".

Pas disa vitesh humbjeje, "Tesla" ka dalë tre tremujorë rresht me fitime, duke filluar që nga tremujori i tretë i vitit 2019.

Kompania pati vjet 24 miliardë dollarë të ardhura dhe dorëzoi gati 370 mijë automjete.

Kryeekzekutivi Elon Musk thotë se "Tesla" do të bëjë dorëzimin e të paktën 500 mijë automjeteve këtë vit.

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)