14 Dhjetor 2017

Tesla ndërton baterinë më të madhe në botë

Canberra, 24 nëntor - Kompania amerikane për prodhimin e automjeteve elektrike dhe për ruajtjen e energjisë elektrike "Tesla" në Australinë Jugore ka përfunduar ndërtimin e baterisë më të madhe të litiumit në botë.

Kryeministri i Shtetit të Australisë Jugore, Jay Weatherill në një deklaratë për media të publikuar në faqen e Kryeministrisë ka njoftuar se Tesla ka përfunduar ndërtimi i baterisë më të madhe të litiumit në botë.

Ai vuri në dukje se për përfundimin e baterisë është kryer një punë shumë e madhe në një kohë të shkurtër dhe se do të zhvillojë një vizitë për të shprehur falënderimet për ata që kanë kontribuar në këtë punë, ndërsa shtoi se  "Bateria më e madhe e litiumit në botë do të jetë një pjesë e rëndësishme e përzierjes sonë të energjisë. Australia Jugore jep një mesazh të qartë se do të jetë lidere në sistemin e depozitimit të baterive të energjisë së rinovueshme".

Bateria gjigante, e cila do të ruajë energjinë që do të prodhohet në objektin e energjisë së prodhuar nga era të ndërtuar nga kompania Neoen pranë qytetit Jamestown, do të jetë në gjendje të furnizojë me energji elektrike 30 mijë shtëpitë e zonës për rreth një orë.

Menaxheri i kompanisë "Tesla", Elon Musk tha se në shtator bateria gjigante prej 100 megavat ishte në ndërtim e sipër dhe ishte rreth tre herë më e madhe se shembujt alternativ të saj dhe se do ta përfundonin në një afat prej 100 ditësh.

Bateria më e madhe e litiumit që është prodhuar deri më tani në botë thuhet se ka një kapacitet prej rreth 30 megavat.

Kalendari

Ngjarjet e datës 15 Dhjetor 2017 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 8:00)

- Komisioni për Zhvillim Ekonomik, Tregti dhe Industri i Kuvendit të Kosovës, do të takojë Janez Kopac, drejtor i Sekretariatit të Komunitetit të Energjisë, me seli ne Vjenë ku do te bisedoj lidhur me gjendjen aktuale të përputhshmërisë me Traktatin e Komunitetit të Energjisë, nga ana e Kosovës. (Ndërtesae Kuvendit, salla N-303, ora 9:00)

- Ministrit të Punëve të Brendshme Flamur Sefaj raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës rreth zbatimit të Planit Kombëtar për Zbatimin e MSA-së dhe Marrëveshjeve të Brukselit mes Kosovës dhe Serbisë;. (Ndërtesae Kuvendit, salla N 302, ora  10:00)

- Caritas Kosova do të dhurojë 25 shtretër me dyshekë dhe komodina, donacion për Qendrën Klinike Universitare të Kosovës. (Objekti i Klinikës së Kirurgjisë, ora 11:00)

- Organizatat e dala nga lufta e UÇK-së, do të fillojnë me nënshkrimin e Peticionit, përmes të cilit kërkojnë që Kuvendi i Kosovës të bëjë ndryshimin dhe plotësimin e Ligjit Nr.05/L-053 për Dhomat e Specializuara dhe Zyrën e Prokurorit të Specializuar, për çështjen diskriminuese ndaj Kosovës. (Sheshi Skenderbeu, ora 11:00)

- ARDA organizon ceremoninë e hapjes së Panarit Dimëror në Prishtinë. (Sheshi Skënderbeu, ora 11:00)

- Ministria e Kulturës, Rinisë dhe Sportit organizon ceremoninë e ndajres së certifikatave për 200 të rinj për pjesëmarrjen e tyre në trajnimin “Ndërmarrësi për të rinjtë e Kosovës”. (Ish Instituti i Historisë, tani ndërtesa e administratës së UP-së, afër Institutit Albanologjik të Kosovës, ora 11:30)

- Mbahet një konferencë për media lidhur me deklaratën e përbashkët të dhjetëra subjekteve joqeveritare për Projekt-ligjin për Dhënien në Shfrytëzim dhe Këmbim të Pronës së Paluajtshme të Komunës, i cili është duke u draftuar nga Ministria e Administrimit të Pushtetit Lokal dhe parashihet t'i dërgohet Kuvendit të Kosovës. (Qendra Informative dhe Kulturore e BE-se, ora 13:00)

- Kryeministri Ramush Haradinaj takim me punonjësit e Administratës Tatimore të Kosovës. (Hotel Swiss Diamond, ora 14:00)

- Rrjeti Ballkanik i Gazetarise Hulumtuese, BIRN Kosova, ne bashkepunim me Qendren e Avokimit per Kulture Demokratike, ACDC, do te organizoje nje koktej rasti per ceremonine e ndarjes se çmimeve per 3 storiet me te mira gazetareske, ne kuader te iniciatives se perkrahur nga Ambasada Holandeze ne Kosove. (Kafe-librari, Dit' e Nat', 18:00)

-  Hapet ekspozita "Bri plagomës prej nga derdhet dhimbja" me fotografi të refugjatëve nga Kosova në Kukës gjatë luftës së vitit 1999, të autorit Fatos Lubonja. (Modelariumin e Arkitekturës mbrapa Ministrisë së Arsimit, ora 19:00)