Sofje, 27 korrik - Bullgaria u pajtua të paguajë 4,88 milionë euro për naftësjellësin Burgas-Aleksandropolis, deklaroi për RIA „Novosti“ zëvendës kryetari i „Transneft“, Mihail Barkov.

Siç shkruan „Bgnes“, Barkovi ka marrë pjesë në bisedimet me zëvendës kryeministrin dhe ministrin e Financave, Simeon Xhankov që u mbajtën në Sofje më 22-23.

„Është arritur mirëkuptim i ndërsjellë për pagesën e borxhit për projektin me vlerë prej 4,88 milionë eurove, pasi që shteti bullgar pranoi se ekziston një borxh i tillë nga ana e saj që duhet të paguhet“, shtoi ai.

Barkov tha se bisedimet janë „të mira dhe konstruktive“, duke shtuar se Bullgaria merr përsipër përgjegjësinë për pjesëmarrjen e saj në projektin.