04 Tetor 2022

SHBA pezullon lejet për shpime për naftë e gaz në Arktik

Washington, 3 qershor - Administrata e Presidentit Joe Biden pezulloi të martën lejet për shpime për naftë e gaz në Rezervatin Kombëtar Natyror të Arktikut në Alaskë, çka ndryshon nga një program për shpime në këtë zonë, miratuar nga administrata e ish-presidentit Trump.

Vendimi ka ringjallur përplasjet politike për një rajon të largët ku jetojnë arinjtë polarë e kafshë të tjera të egra, e të pasur me rezerva nafte.

Urdhri i Sekretares së Brendshme Deb Haaland pason një moratorium të përkohshëm mbi veprimtarinë kërkimore për naftë e gaz vendosur nga Presidenti Biden në ditën e tij të parë në detyrë.

Urdhri ekzekutiv i zotit Biden më 20 janar, sugjeronte një rishikim të lejeve mjedisore si të nevojshëm për t’u dhënë zgjidhje të metave të mundshme ligjore të një programi shpimesh në këtë zone të miratuar nga administrata Trump sipas një ligji të vitit 2017 të miratuar në Kongres.

Pas kryerjes së rishikimit, agjencia tha se "identifikoi defekte në regjistrin themelor të vendimeve mbi lejet për shpime, përfshirë mungesën e analizës për një gamë të arsyeshme çështjesh të parashikuara nga Akti Kombëtar për Politikën Mjedisore, një ligj themelor mbi mjedisin.

Republikanët dhe kompanitë që i takojnë industrisë së naftës prej kohësh janë përpjekur ta hapin rezervatin e pasur me naftë ndaj mundësive për shpime në të, në kundërshtim me qëndrimin e banorëve indigjenë. Demokratët grupet mjedisore dhe disa fise vendase të Alaskës janë përpjekur t’i bllokojnë këto përpjekje.

Grupet mjedisore dhe demokratët e përshëndetën urdhrin e Departamentit të Brendshëm, ndërsa një delegacion kongresist i Alaskës i përbëri i gjithi nga republikanë e kritikoi vendimin si të gabuar e të paligjshëm.

Presidentit Biden i ka kundërshtuar shpimet në rajon dhe grupet mjedisore kanë bërë presion për mbrojtje të përhershme të rezervatit, gjë të cilën ai e premtoi gjatë fushatës presidenciale.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)