18 Tetor 2019

Rusia rrit përsëri prodhimin e naftës

Moskë, 25 tetor - Ministri i Energjetikës së Rusisë, Alexander Novak deklaroi se prodhimi ditor i naftës këtë muaj është rritur me 150 mijë fuçi në krahasim me muajin tetor të vitit 2016.

Novak, në deklaratën e bërë në qytetin Kaliningrad të Rusisë, bëri një vlerësim në lidhje me prodhimin e naftës në vendin e tij. 

Ai tha se Rusia, pas marrëveshjes me Organizatën e Vendeve Eksportuese të Naftës (OPEC) dhe vendeve jashtë saj, e ka rritur përsëri prodhimin e naftës.

“Në muajin tetor prodhimi ditor i naftës është rritur me 150 mijë fuçi në krahasim me të njëjtin muaj të vitit 2016” tha Novak.

Me marrëveshjen e arritur në fund të vitit 2016 me OPEC dhe vendet jashtë OPEC ishte arritur në konsensus që prodhimi i tërë i naftës të ulej në nivelin e 1,8 milionë fuçive në ditë.

Rusia, në kuadër të kësaj marrëveshjeje, kishte pranuar të reduktojë prodhimin e naftës në 300 mijë fuçi në ditë.

Kurse në mbledhjen e zhvilluar në muajin qershor ishte marrë vendim për rritjen përsëri të prodhimit dhe Rusia kishte deklaruar se do të rrisë prodhimin e naftës në 200 mijë fuçi në ditë.

Kalendari

Ngjarjet e datës 18 tetor 2019

- Kryeministri në detyrë Ramush Haradinaj pret në takim një delegacion të nivelit të lartë nga MCC, kryesuar nga znj. Caroline T. Nguyen, Drejtoreshë Menaxhuese e MCC për Evropë, Azi, Pacifik dhe Amerikë Latine, me këtë rast, do të nënshkruaj amandamentimin e Marrëveshjes CDF. (Ndërtesa e Qeverisë, ora 10:00)

- Me rastin e shënimit të Ditës së Bashkimit Evropian Kundër Trafikimit me Njerëz dhe njëkohësisht hapjes së fushatës Kundër Trafikimit me Njerëz, Ministria e Punëve të Brendshme organizon konferencë për media. (Ndërtesa e Qeverisë, salla P38, ora 10:00)

- Komuna e Rahovecit mban mbledhjen e dhjetë te rregullt e Komiteti për Politik dhe Financa. (Salla e mbledhjeve të Kuvendit Komunal të Rahovecit, ora 10:00)

- Agjencia për Arsim dhe Aftësim Profesional dhe Arsim për të Rritur organiozn aktivitetin e shënimit të themelimit të qendrës për karrierë në SHMLT ,,11 Marsi” në Prizren. (Objekti i SHMLT ,,11 Marsi” në Prizren, ora 10:30)

- Komisioni i Pavarur i Mediave do të mbajë konferencë për media në lidhje me prezantimin e  “Raportit të monitorimit të  Ofrueseve të Shërbimeve Mediale Audio-vizuele  gjatë fushatës për zgjedhjet e parakohshme 2019”.  (Zyra e KPM-së, qyteza Pejton, ora 12:00)

- Galeria Qahili organizon hapjen e ekspozitës "20" të Mentor Avdilit. (Galeria Qahili, ora 20:20)