02 Dhjetor 2022

Rritet furnizimi global i naftës rritet

Paris, 15 qershor - Agjencia Ndërkombëtare e Energjisë (IEA) ka njoftuar se furnizimi global i naftës në maj u rrit me 900 mijë fuçi në ditë në rreth 99 milionë fuçi në ditë.

Rritja u sigurua nga vendet jashtë OPEC+, ndërsa vëllimet e OPEC+ u ulën paksa në muaj, sipas raportit.

Prodhimi ditor i naftës së papërpunuar të grupit OPEC ra në 28.52 milionë fuçi në ditë në maj, me një rënie prej rreth 210 mijë fuçi në ditë krahasuar me muajin e kaluar.

Gjatë kësaj periudhe, gazi i lëngshëm natyror i OPEC-ut u regjistrua në 5.37 milionë fuçi në ditë, duke rritur prodhimin total të naftës të OPEC-ut në 33.89 milionë fuçi në ditë muajin e kaluar.

Prodhimi i vendeve jo anëtare të OPEC-ut pati një rritje prej rreth 1.11 milion fuçi në ditë në 65.09 milionë fuçi në ditë në maj.

Sipas IEA-s, vendet jo anëtare të OPEC+ janë gati të dominojë rritjen e ofertës botërore të naftës gjatë pjesës tjetër të këtij viti dhe në 2023.

"Nga qershori deri në dhjetor, prodhimi botëror i naftës parashikohet të rritet me 1.9 milionë fuçi në ditë krahasuar me një rritje prej 1.2 milionë fuçi në ditë të kërkesës, nga e cila oferta kolektive e vendeve jo anëtare të OPEC+ pritet të rritet me 1.1 milionë fuçi në ditë. Aleanca OPEC+ mund të shtojë 800 mijë fuçi në ditë duke supozuar që Libia të rimëkëmbet nga një rënie e rëndë ndërsa thellimi i humbjeve nga Rusia kompensoi fitimet nga prodhuesit e Lindjes së Mesme”, thuhet në raport.

Megjithatë, sipas IEA-s, flukset më të larta të OPEC+ do të vijnë në kurriz të kapacitetit rezervë efektiv të bllokut, të mbajtur kryesisht nga Arabia Saudite dhe Emiratet e Bashkuara Arabe.

Agjencia vuri në dukje se deri në tremujorin e katërt të këtij viti, amortizimi i prodhimit të OPEC+ mund të bie në vetëm 2.6 milionë fuçi në ditë, duke rritur paqëndrueshmërinë e tregut të naftës.

IEA rishikoi vlerësimet e kërkesës globale për naftë për vitin 2022, e cila ishte pak më e lartë se raporti i muajit të kaluar, për shkak të rritjes më të fortë se sa ishte parashikuar gjatë marsit dhe prillit.

Kërkesa globale për naftë parashikohet të jetë mesatarisht 99.4 milionë fuçi në ditë në vitin 2022. Edhe pse parashikimi shënon një rritje në bazë vjetore prej 1.8 milionë fuçi në ditë, kjo mbetet 1 milion fuçi në ditë pas niveleve të 2019-ës.

Megjithatë, sipas parashikimit të sapo publikuara të agjencisë për vitin 2023, kërkesa botërore për naftë vlerësohet të arrijë në 101.6 milionë fuçi në ditë në vitin 2023, duke tejkaluar nivelet para pandemisë.

“Ndërsa çmimet më të larta dhe një perspektivë më e dobët ekonomike po zbutin rritjen e konsumit, ringjallja e Kinës do të nxisë fitimet vitin e ardhshëm, me rritjen që do të përshpejtohet nga 1.8 milionë fuçi në ditë në 2022 në 2.2 milionë fuçi në ditë në 2023”, thuhet në raport.

IEA theksoi se në ndryshim nga viti 2022, kur OECD udhëhoqi ekspansionin, ekonomitë jo anëtare të OECD-së do të përbëjnë gati 80 për qind të rritjes vitin e ardhshëm.
 

Kalendari

Ngjarjet e datës 2 dhjetor 2022

- Grupi i Miqësisë me Mbretërinë e Bashkuar takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301,ora 9:15)

- Ministrja e Drejtësisë, Albulena Haxhiu, nesër në kuadër të fushatës globale "16 Ditët e Aktivizmit Kundër Dhunës me Bazë Gjinore" do të lansoj Kurrikulën për Programet e Trajtimit të Dhunës. (Hotel Sirius, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyron Projektligjin për Zyrtarët Publik dhe Projektligjin për Pagat në Sektorin Publik. (Ndërtesa e Kuvendit, salla N506, ora 10:00)

- Ministria e Bujqësisë, Pylltarisë dhe Zhvillimit Rural organizon konferencën me donatorët për sektorin e bujqësisë me titull "Orientimet Strategjike për Zhvillimin e Sektorit të Bujqësisë, Pylltarisë dhe Zhvillimit Rural”. (Hotel “Swiss Diamond”, ora 10:00)

- UNFPA Zyra në Kosovë organizon trajnim me gazetarë që do të trajtoj temën e menaxhimit të krizave të komunikimit, si dhe raportimin medial lidhur me Regjistrimin e popullsisë. (Prishtinë, ora 10:00)

- Komisioni për Punë të Jashtme dhe Diasporë takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301, ora 10:30)

- Në kuadër të Festivalit Ndërkombëtar të Filmit “Art Without Limit International Film Festival” mbahet programi i për fëmijë, ku do të shfaqen filmat e animuar me pjesmarrës nxënësit e disa shkollave të Prishtinës dhe Lipjanit ku dhe do të ketë performancë me titull “Terapia muzikore” nga qendra burimore “Përparimi” në Prishtinë dhe një performancë nga një këngëtare e re Tirana e cila është anëtare e Down Syndrome në Tiranë! (Kino Armata, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston Alpin Dogan, Kryeshef Ekzekutiv në KEDS; Serhat Mesut Dinc, Kryeshef Ekzekutiv në KESCO dhe  Alper Erbas, Kryeshef Ekzekutiv në KEDS për periudhën 2019-2021. (Ndërtesa e Kuvendit, salla N204, ora 13:00)
 
- Shefi i misionit përcjellës të zgjedhjeve të Bashkimit Evropian, Lukas Mandl, së bashku me ambasadorin e BE-së, Tomáš Szunyog, do të mbajnë një konferencë për shtyp për të prezantuar gjetjet preliminare dhe konkluzione mbi gjendjen e zbatimit të rekomandimeve të Misionit të BE-së për Vëzhgimin e Zgjedhjeve 2021. (Hotel Sirius, ora 14:15)

- Organizata jo-qeveritare "You Can Do" organizon ngjarjen "Darka e Erret" ku zyrtar lokal edhe ndërkombëtar , profesorë e aktivistë do të darkojnë në erresirë totale dhe te diskutojnë rreth pozites se personave me aftesi te kufizuar në shoqëri dhe hapat konkret qe duhet te ndermeren për ketë komunitet. (Restaurant LUXOR në magjistralen Prishtinë - Obiliq, ora 17:00)