08 Mars 2021

Rregullohet sistemi i rrjetit të kanalizimit në rrugën "Uran Ajeti" në Prishtinë

Prishtinë, 7 korrik - Qytetarë të shqetësuar të rrugës " Uran Ajeti" në Prishtinë u janë drejtuar para disa ditësh, Kompanisë Rajonale të Ujësjellësit " Prishtina" për mosfunksionim të mirëfilltë të rrjetit të kanalizimit në rrugën e tyre.

Përgjatë inspektimit dhe intervenimit disa ditësh në sanimin e  gypit të dëmtuar  të  kanalizimit, gjatë hapjes së kanalit,  ekipet e mirëmbajtjes kanë hasë në dy  puseta të mbuluara tërësisht me  mbeturina të ngurta me pesha të rënda , të cilat kanë pamundësuar funksionimin e rrjetit të kanalizimit.

Këto mbeturina janë hudhë nga ndërtuesit e rrugëve.

Çdo mbulim i pusetave nga mbeturinat e ngurta, e rëndon dukshëm funksionimin e rrjetit dhe e vështirëson punën tonë në gjetjen e tyre.

Apelojmë për kujdes nga ndërtimet e rrugëve.

Pas një pune tejet të vështirë, ekipet e KRU" Prishtina" nga departamenti i  rrjetit të kanalizimit, kanë sanuar gypin, kanë larguar mbeturinat dhe kanë bërë pastrim të detajuar të pusetave të kanalizimit.

Falënderojmë pafund  ekipet e  mirëmbajtjes së rrjetit të kanalizimit të cilët meritojnë respekt dhe nderime  nga të gjithë ne,  për punën e palodhshme e të shkëlqyeshme që e bëjnë çdo ditë, në raste të lehta e të vështira!

Kalendari

Ngjarjet e datës 9 Mars 2021

- Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)