10 Prill 2021

Renault humbi 8 miliardë euro në vitin 2020

Paris, 20 shkurt - Prodhuesi francez Renault humbi 8 miliardë euro vitin e kaluar për shkak të pandemisë së koronavirusit COVID-19.

Renault njoftoi se gati 3 milionë automjete u shitën në vitin 2020 dhe se shitjet ranë për 21,3 për qind.

Gjithashtu thuhet se kompania shënoi humbje prej 7,38 miliardë eurosh në tremujorin e parë të vitit të kaluar dhe 8 miliardë euro në tërë vitin 2020, ndërsa rikujtohet se kompania kishte një humbje prej 141 milionë eurosh në vitin 2019.

Më tej theksohet se xhiroja e kompanisë u ul me 21,7 për qind në vitin 2020 krahasuar me vitin mëparshëm, në 43,5 miliardë euro. Drejtori i Përgjithshëm i kompanisë, Luca de Meo, deklaroi se kostoja e kompanisë është ulur me 1,5 miliardë euro që nga viti 2020.

Duke deklaruar se ky vit do të jetë i vështirë, Meo më tej tha se nuk mund ta parashikojnë të ardhmen e tyre për shkak të pandemisë së COVID-19 dhe se problemet në produktet elektronike mund të ndikojnë negativisht në prodhimin e 100 mijë automjeteve këtë vit.

Gjithashtu u njoftua se shitjet totale në tregun e automjeteve në Bashkimin Evropian (BE) u ulën me 23,7 për qind në vitin 2020 krahasuar me vitin e kaluar për shkak të pandemisë COVID-19.

Kalendari

Ngjarjet e datës 10 Prill 2021

- Ervehe Gashi, Prokurore e Krimeve të Rënda në Prokurorinë Themelore në Prizren mban konferencë për media, në të cilën do ta shpalosi të vërtetën, mbi gjithë manipulimrt e transmetuar ne emisionin “KallxoPërnime”.   (Hotel Sirius, ora 11:00)  

- Grupi për Studime Juridike dhe Politike (GLPS) mban konferencë për medie me temë: “Disa nga veprimet më urgjente për Qeverinë Kurti II”. (Hotel Sirius, ora 11:00)

- Deputeti i Kuvendit të Republikës së Kosovës nga AAK-ja, Shemsedin Dreshaj, mban konferencë për medie, me temën: “Menaxhimi i pandemisë dhe vaksinat”. (Selia Qendrore e AAK-së, ora 12:00)