24 Gusht 2017

Renault do të investojë 660 milionë euro në Iran

Paris, 8 gusht - Prodhuesi i automjeteve franceze, “Renault” nënshkroi një marrëveshje të rëndësishme për të prodhuar rreth 300.000 makina në vit në Iran nëpërmjet një joint-venture me një kapital investimi prej 660 milionë euro.
 
Kompania e re e përbashkët do të drejtohet me 60 për qind aksione nga “Renault”, Organizata për rinovimin dhe zhvillimin industrial (20 për qind – një organizëm publik iranian dhe shoqëria private iraniane “Parto Neguine Nasseh” do të zotërojnë secila 20 për qind.

“Faza e parë e kësaj marrëveshje me vlerë 660 milion euro parashikon prodhimin e 150.000 automjeteve në vit”, deklaroi Mansour Moazami, kreu i Organizatës për rinovimin dhe zhvillimin industrial.

Joint-venture do të ketë selinë në Saveh, rreth 120 kilometra në jug-perëndim të Teheranit në një uzinë ekzistuese që do të zgjerohet dhe modernizohet. Kompania do të hedhë në treg modelet kryesore si dhe “Duster” dhe “Dacia”, marka rumune të blera nga “Renault”.

Kalendari

Ngjarjet e datës 24 Gusht 2017

- Agjencia për Menaxhim të Emergjencave e Ministrisë së Punëve të Brendshme me përkrahjen dhe asistencë nga KFOR-i do të zhvillojnë ushtrimin fushor “MASCAL”, me skenar rrëzimin e një aeroplani komercial, ku si pasoj ka lëndime në masë. (Aeroporti i Gjakovës, ora 9:00)

- Kryesia e OVL UÇK-së mbanë mbledhjen e radhës, e cila do të jetë e hapur edhe për media. (Selia e OVL UÇK-së, ora 13:00)

-  Vazhdimi i seancës konstituive të Kuvendit të Republikës së Kosovës ku do te behët zgjedhja e Kryetarit të Kuvendit dhe e nënkryetarëve të Kuvendit. (Kuvendi i Kosovës, ora 10:00)