04 Dhjetor 2020

Qeveria ndan 1.1 milion euro për “Trepçën”

Prishtinë, 13 nëntor - Kryeministri i Republikës së Kosovës, Avdullah Hoti, së bashku me ministrin e Ekonomisë dhe Ambientit, Blerim Kuçi, zëvendësministrin e Financave, Agim Krasniqi si dhe përfaqësuesit e Bordit të Përkohshëm të “Trepçës”, mbajti një konferencë për media, në të cilën bëri të ditur ndarjen e 1.1 milion eurove për ndërmarrjen “Trepça”.     

Hoti ka thënë se Ministri Blerim Kuçi është marrë disa ditë me këtë çështje, me Bordin e "Trepçës", për të tejkaluar situatën, në të cilën jemi.   

"Pas shumë diskutimeve, edhe me Ministrinë e Financave, sot e kemi ftuar edhe Bordin e përkohshëm të "Trepçës" për t'u darkorduar për hapat që duhet të ndërmerren në ditët e ardhshme, për të tejkaluar situatën në "Trepçë".''  

''Situata në kompani është vërtet shumë e vështirë, por është e vështirë, pjesërisht për shkak të gjendjes nëpër të cilën po kalojmë, të pandemisë në nivel global dhe për shkak të pamundësisë që "Trepça" t'i shet produktet e saj në tregje botërore për shkak të rënies së çmimeve në berzë. Por, pjesërisht, duhet pranuar faktin që është edhe për shkak të menaxhmentit joadekuat, joefikas në menaxhimin e kësaj kompanie'', ka theksuar Hoti.  

Këtë kompani vit pas viti Qeveria e subvencionon sa i përket investimeve kapitale në një shumë të konsiderueshme që shkon rreth 7 milionë euro, por pavarësisht kësaj, në këtë situatë, në të cilën gjendet tash "Trepça" qeveria sipas Hoti është dashur të bëjë një zgjidhje të përkohshme bashkë me Bordin e "Trepçës" për të tejkaluar situatën dhe për t'i mundësuar kësaj kompanie operimin më tutje.

Kompania ka borxhe të mëdha, rreth 8 milionë euro dhe fakti se ka kaq shumë borxhe dhe që vazhdojnë për një kohë të gjatë, është fakt i pamohueshëm se menaxhmenti i kësaj kompanie nuk ka arritur të menaxhojë si duhet performancën e saj.

''Ajo që na duhet tash, është një prerje e gjendjes. Ku ekziston kjo kompani tash, sa i përket afarizmit të saj dhe çfarë mbështetje do të ofrojë Qeveria në këtë drejtim.''

Ne jemi dakorduar sot në takim, bashkë me Bordin e Përkohshëm, që të pranojmë shpejt një plan biznesi, se si do të përballohet gjendja, në të cilën është kompania në periudha afatshkurtra për të përmirësuar likuiditetin e kompanisë dhe një plan më afatgjatë që do t’i dorëzohet qeverisë për mënyrën e futjes së investimeve nga jashtë në këtë kompani. Por pavarësisht asaj ajo që na duhet të ndërmarrim tash është hapa të menjëhershëm, pra hapat e menjëhershëm janë këta'', ka deklaruar kryeministri Hoti.

Qeveria do të ndajë 1.1 milion euro për ndërmarrjen Trepça për të tejkaluar situatën nëpër të cilën po kalon.

Bordi sipas tij do të ofrojë garancat e veta përmes planit të biznesit që duhet të dorëzohet shpejt në Ministrinë  e Ekonomisë dhe Ambientit për mënyrën e menaxhimit të kompanisë në të ardhmen dhe  në këtë plan biznesi do të jenë veprimet konkrete që do të ndërmerren nga bordi i kompanisë karshi menaxhmentit  të kompanisë për t’u siguruar që kompania nuk vjen prapë në këtë situatë.

''Besoj që, kjo ndihmë që Qeveria jep me taksat e qytetarëve për minatorët dhe për ndërmarrjen Trepça, do të mundësojë që të tejkalojë dhe të mos vijmë më në situatë të tillë. Dhe, në plot ndërmarrje të tjera kemi probleme pak a shumë të ngjashme, po për shkak të specifikave që ka ndërmarrja Trepça, me insistimin e ministrit e kemi trajtuar pak më ndryshe këtë çështje dhe bashkë me ministrin e Financave besoj që është gjetur zgjidhja më e mirë e mundshme në rrethanat në të cilat jemi.''''

''Por, këto duhet thënë qartë që nuk janë para pa asnjë kushtëzim nga buxheti i shtetit për Trepçën,  por kushtëzohen nga plani i Biznesit të kompanisë dhe nga masat konkrete që duhet t’i marrë Bordi karshi ristrukturimit të plotë që duhet të ndodhë në këtë ndërmarrje menjëherë, jo më vonë, por menjëherë'', ka përfunduar në fund kryeministri Hoti.

 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)