22 Shtator 2020

Qeveria ndalon përkohësisht eksportin e drurit

Prishtinë, 7 maj - Në mbledhjen e sotme Qeveria ka marrë vendim për ndalimin e përkohshëm të eksportit të masës drusore si lëndë e pa përpunuar nga Kosova në drejtim të vendeve tjera, për arsye të dëmtimit në sektorin e përpunimit të drurit në Kosovë. Po sot, kabineti qeveritar mori vendim për vazhdimin e mandatit të Komisionit Qeveritar për Njohjen e Statusit të ish të Dënuarve dhe të ish të Përndjekurve Politikë.

Me vendim të Qeverisë u ndanë mjete për pagesën e punonjësve me kontrata për shërbime të veçanta në rezidencën presidenciale “Ibrahim Rugova”, në vlerë prej 57, 944.38 euro.

U miratua edhe vendimi për shqyrtimin e mëtejmë të kërkesës së Komunës së Istogut për shpronësim për interes publik të objekteve të vjetruara të cilat janë nën menaxhimin e Agjencisë Kosovare të Privatizimit, të cilat preken nga realizimi i projektit “Rregullimi i Qendrës së Qytetit në Istog”, konform Planit Zhvillimor Komunal 2018-2026.

Aprovimin e kabinetit qeveritar e morën Nismat për lidhjen e marrëveshjes dy palëshe për qarkullimin ndërkufitar të mbeturinave, respektivisht eksportin dhe importin e mbeturinave me Republikën Federale të Gjermanisë dhe Republikën e Kroacisë.

Aprovimin e Qeverisë e mori Koncept-Dokumenti për Politikën: Aplikimi për vende pune nga pjesëtarët e komuniteteve joshumicë, që posedojnë diploma të lëshuara nga institucionet paralele arsimore në Republikën e Kosovës, ku zhvillohet mësimi në gjuhën serbe. Qëllimi i këtij koncept dokumenti është që të propozojë një zgjidhje për rregullimin e çështjes së arsimit në gjuhën serbe që do t’ua mundësojë shtetasve të Republikës së Kosovës të cilët kanë marrë diploma të lëshuara nga institucionet paralele arsimore në Republikën e Kosovës ku zhvillohet mësimi në gjuhën serbe që të aplikojnë për punësim dhe për marrjen e licencave dhe provimeve profesionale dhe për çështje tjera për të cilat është e nevojshme për integrim social si dhe të shqyrtojë gjendjen e përgjithshme të institucioneve në të cilat zhvillohet mësimi në gjuhën serbe.

Kabineti qeveritar ka aprovuar Strategjinë Kombëtare të Republikës së Kosovës për Parandalimin dhe Luftimin e Ekonomisë Jo-formale, Pastrimin e Parave, Financimin e Terrorizimit dhe Krimeve Financiare 2019-2023 dhe Planin e Veprimit 2019-2021. Ky dokument mbulon tërësinë e masave që Qeveria synon të realizojë përmes institucioneve të saj ligj zbatuese parandalimin e të gjitha formave të ekonomisë joformale, parandalimit të pastrimit të parave, financimit të terrorizmit dhe Krimeve Financiare në sektorë të ndryshëm të aktiviteteve ekonomike në Kosovë.

Në mbledhjen e sotme u mor vendimi për emërimin e Drin Haraçia, Drejtor i Përgjithshëm në Agjencinë e Punësimit të Republikës së Kosovës, në kuadër të Ministrisë së Punës dhe Mirëqenies Sociale.

Në këtë mbledhje nga Ministria e Administrimit të Pushtetit Lokal u prezantua Raporti për Funksionimin e Kuvendeve të Komunave për periudhën janar-mars 2019. Ky raport ka për qëllim informimin e drejtë të institucioneve qendrore, për nivelin e funksionimit të organeve vendimmarrëse të komunave, në të cilin janë përfshirë të dhënat për 38 komuna të Republikës së Kosovës.

Poashtu, kabineti qeveritar mori vendim për inicimin e Procedurave të negociuara pa publikim të njoftimit të kontratës për shërbime këshillimore juridike, për nevoja të Termocentralit “Kosova e Re”.

Në mbledhjen e sotme të Qeverisë, ministri i Zhvillimit Ekonomik, Valdrin Lluka, informoi kabinetin qeveritar lidhur me përzgjedhjen e kompanisë “General Electric”, si ofertuesi i preferuar në tenderin për Inxhiniering, Prokurim -Ndërtim dhe Mirëmbajtje afatgjate, të Termocentralit “Kosova e Re”.

Koordinatori Nacional për Kulturë, Rini dhe Sport, Rexhep Hoti, informoi kabinetin qeveritar mbi mbajtjen e Garave Nacionale të Diturisë nga klasa I deri në XII. 

Kalendari

Ngjarjet e datës 22 Shtator 2020 - Ministri i Ministrisë së Punëve të Brendshme, Agim Veliu, do të bëjë përurimin e Qendrës Testuese për zhvillimin e procedurave rekrutuese për nëpunësit civilë. (Objekti i ish-Ministrisë së Administratës Publike, kati përdhesë, salla 0-15, ora 9:00)

- Mbahet mbledhja e komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për Ministrinë e Punës dhe Mirëqenies Sociale dhe shqyrtimi i Raportit të Auditimit për Ministrinë e Komuniteteve dhe Kthimeve. (Ndërtesa e Kuvendit, salla N225, ora 9:30)

- inspektorët e Inspektoratit të Tregut do të bëjnë inspektime, ku do t’i shoqërojë edhe ministri Vesel Krasniqi për t’i parë nga afër këto inspektime. (Nisja do të bëhet nga MTI, ora 9:45)

- Komisioni Hetimor Parlamentar lidhur me procesin e privatizimit në Kosovë shqyrton listen e dëshmitarëve, përzgjedhjen  e ekspertëve të jashtëm si dhe publikimin e adresës për dorëzimin e dëshmive nga qytetarët. (Ndërtesa e Kuvendit, salla N10, ora 10:00)

- Ministri i Ekonomisë dhe Ambientit, Blerim Kuçi zhvillon vizitë në Infrakos ku do te takohet me menaxhmentin. (Infrakos, ora 10:00)

- Mbahet ceremonia e pritjes të një misioni ekspertësh epidemiologjikë dhe mjekësorë të COVID-19 nga instituti gjerman i shëndetësisë, “Instituti Robert Koch” nga Gjermania. (Institutin Kombëtar të Shëndetësisë Publike, ora 10:00 - ndryshim, ora 11:00)

- Fondacioni Kvinna till Kvinna do të lansojë raportin 'Ku janë paratë për të drejtat e grave? Trendet e financimit në Ballkanin Perëndimor'. (Ngjarja do të mbahet online dhe është e hapur për publikun përmes platformës Zoom, ora 10:00)

- Kryeministri Avdullah Hoti viziton Shërbimin Spitalor dhe Klinik Universitar të Kosovës . (ShSKUK, ora 10:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike dikuton për rishpalljen e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, formimin e Grupit të punës për plotësimin e Bordit të NP KOSTT, etj. (Ndërtesa e Kuvendit, salla C203, ora 11:00)

- Oda Hoteliere dhe Turistike e Kosovës mban konferencë lidhur me ngjarjët e fundit, për situtën e fundit si dhe vendimet e marra të Qeverisë në kohën e Pandemisë Covid 19, prej fillimit e deri me sot. (Hotel Sirius, ora 11:00)

- Kryetari i Komunës së Prizrenit, Mytaher Haskuka do të merr pjesë në aktivitetin e organizuar për nder të "Ditës së Pastrimit të Botës" dhe "Ditës pa Makina" të organizuar nga Drejtoria e Shërbimeve Publike. (Pikënisja do të jetë rruga në afërsi të urës që ndodhet përballë objektit Administratës Komunal, ora 11:00)
 
- Ministri i Ekonomisë dhe Ambientit, Blerim Kuçi zhvillon vizitë në punishten në Stacionin Hekurudhor në Miradi. (Fshati Miradi, ora 11:00)

- Komisioni Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës dëgjon dëshmitë e dëshmitarit Valdet Hashani ish menaxher i Qendrës së karantinës. (Ndërtesa e Kuvendit, salla N225, ora 11:00)

- OVL UÇK mban konferencë të jashtëzakonshme për media. (Selia qendrore në Prishtinë, ora 11:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin e Projektkodit civil i Republikës së Kosovë, Projektligjit për tokën ndërtimore si dhe shqyrton shkresën e deputetëve: Alban Hyseni, Artan Abrashi dhe Dimal Basha për të ftuar në raportim Kryeministrin Avdullah Hoti lidhur me deklarimin për respektimin e marrëveshjes kundër kushtetuese për asociacionin. (Ndërtesa e Kuvendit, salla N10, ora 13:00)

-  Komisioni për të Drejtat dhe Interesat e Komuniteteve dhe Kthim shqyrton e planit të punës së Komisionit, për periudhën shtator-dhjetor 2020. (Ndërtesa e Kuvendit, salla C203, ora 13:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

-  Komisioni për Punë të Jashtme dhe Diasporë takohet me delegacionin nga Afrika Qendrore. (Ndërtesa e Kuvendit, salla N303, ora 14:00)

- Komisioni Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës dëgjon dëshmitë e dëshmitarit Naim Musliu - Babai i Agon Musliu. (Ndërtesa e Kuvendit, salla N225, 14:00)

- Sindikata e Infermierëve të Kosovës mban konferencë për media pas një takim konsultativ dhe koodinues me shoqatat e infermierëve, teknikëve te anastezionit, mamive, laborantëve, Oden e Infermierëve dhe Bashkimin e Sindikatave të Lira të Shëndetësisë lidhur me kërkesat për koeficinetin e pagave, rritjen e pagesës së ndërrimeve të natës, pagesat e rrezikshmërisë, pagesat e orëve shtesë. (Para Klinikës së Kirurgjisë, ora 15:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, ora 14:30)

- Ministria e Kulturës, Rinisë dhe Sportit, në bashkëpunim me Institutin Arkeologjik të Kosovës, Muzeun Kombëtar të Kosovës, dhe Fondacionin “Tradita Popullore” organizon ngjarjen kulturore në të cilën do të promovohet diversiteti ynë i pasur kulturor, përmes veshjes tradicionale dhe punimeve artizanale. (Parku arkeologjik “Ulpiana”, ora 17:00)

- Kryeministri Avdullah Hoti merr pjesë në ngjarjen kulturore në të cilën do të promovohet diversiteti ynë i pasur kulturor, përmes veshjes tradicionale dhe punimeve artizanale. (Parku arkeologjik “Ulpiana”, ora 17:00)

- Sot fillon java e dytë e ligjeratave publike në Festivalin e Arkitektures në Kosovë. (Ligjeratat transmetohen drejtperdrejt ne kanalin e facebook-ut "Kosovo Architecture Festival", ora 18:30)