21 Tetor 2019

Prodhuesit e verës nënshkruajnë marrëveshje me qytetin e verës së Bordos

Prishtinë, 10 korrik - Në prani të Ambasadorit të Francës në Kosovë, Didier Chabert, prodhuesit e verës së Kosovës do të nënshkruajnë sot në Aleancën Franceze në Prishtinë një marrëveshje partneriteti me qytetin e verës së Bordos.

Qyteti i verës është zona më e madhe kulturore dedikuar verës si një trashëgimi kulturore, universale dhe jetësore. E inauguruar tre vjet më parë, kjo zonë mirëpret më shumë se 400.000 vizitorë në vit në Bordo, në zemrën e një prej rajoneve më të njohura të vreshtarisë.

Përmes kësaj marrëveshjeje, prodhuesit e verës të Kosovës, të përfaqësuar nga shoqata e tyre Enologjia, angazhohen  për të siguruar referenca të verërave kosovare dhe pajisje për promovimin e tyre.

Nënshkrimi i kësaj marrëveshjeje, që tregon për interesimin e sektorit të vreshtarisë dhe verarisë franceze, do të mundësojë njohjen më të mirë të verërave të Kosovës në Francë, dhe përmes kësaj edhe përmirësimin e imazhit të Kosovës në Francë.
 

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)