02 Mars 2021

Prodhimi industrial turk u rrit me 8,4%

Ankara, 14 shtator - "Indeksi i qarkullimit total, duke përfshirë sektorët e industrisë, ndërtimit, tregtisë dhe shërbimeve, u rrit me 20,2 për qind në bazë vjetore në korrik 2020", njoftoi të hënën Instituti i Statistikave të Turqisë (TurkStat).

Indeksi shënoi ndryshime më të mëdha në sektorin e tregtisë, me 32,9 për qind në korrik krahasuar me muajin e njëjtë të vitit të kaluar, sipas shifrave zyrtare.

Sektori i industrisë regjistroi një rritje vjetore prej 20,2 për qind, ndërsa indekset e sektorëve të ndërtimit dhe shërbimeve u rritën përkatësisht me 14,9 për qind dhe 12,5 për qind.

Sipas TurkStat, vëllimi i qarkullimit është një tregues i rëndësishëm afatshkurtër që përdoret për të vlerësuar situatën ekonomike të vendit.

Ministri i Industrisë dhe Teknologjisë, Mustafa Varank rritjen e prodhimit industrial e ka vlerësuar nga “Twitter”, ku ka shkruar: “Të gjithë nënzërat kanë dalë pozitiv në bazë mujore. Duke e vazhduar ndarjen pozitive në prodhimin industrial, në ekonominë globale u futëm në 3 të parët”.

“Masat që po zbatohen e kanë rikuperuar sektorin real. Në tremujorin e 3-të presim një rritje të madhe”,- shkruan ministri në “Twitter”.

Kurse ministri i Thesarit dhe Financave, Berat Albayrak në vlerësimin që u ka bërë shifrave përmes llogarisë së tij ne “Twitter” thotë se në korrik në bazë vjetore prodhimi industrial është rritur me 4,4%, vëllimi i shitjes me pakicë është rritur me 11,9%, dhe indeksi i qarkullimit në sektorët e ndërtimit, tregtisë dhe shërbimeve është rritur me 20,2%.

“Përgëzoj për mundin e punën e bërë të gjithë prodhuesit që kanë besim tek e ardhmja e këtij vendi”,- e përfundon mesazhin ministri Albayrak.

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)