24 Qershor 2018

Prodhimi industrial turk rritet me 7 për qind në nëntor 2017

Ankara, 9 janar - Prodhimi industrial turk gjatë nëntorit 2017 është rritur me 7 për qind në krahasim me të njëjtën periudhë të vitit 2016 dhe me 0,3 për qind në krahasim me muajin tetor.

Sipas të dhënave të Institutit të Statistikave të Turqisë (TUIK), rritja vjetore e prodhimit industrial është realizuar në nivelin 6,9 për qind.

Në tetor 2017, krahasuar me të njëjtin muaj të vitit 2016, indeksi i sektorit të minierave dhe guroreve ka regjistruar një rritje me 0,5 për qind; indeksi i sektorit të industrisë së prodhimit është rritur me 7,7 për qind, kurse indeksi i sektorit të prodhimit dhe shpërndarjes së energjisë elektrike, gazit, avullit dhe klimatizimit (ngrohjes dhe ftohjes së ajrit) është rritur me 7,3%.

Prodhimi industrial në tetor 2017 ishte rritur me 7,3 për qind në bazë vjetore dhe me 0,7 për qind në bazë mujore.

Kalendari

Ngjarjet e datës 25 Qershor 2018

- Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)