05 Mars 2021

Prodhimi global i çelikut shënon rritje të lehtë

New York, 25 shtator - Prodhimi global i çelikut të papërpunuar shënoi rritje të vogël me 0.6 për qind nga viti në vit në gusht, njoftoi Shoqata Botërore e Çelikut, (WorldSteel).

"Prodhimi global i çelikut të papërpunuar për 64 vendet që raportojnë tek 'WorldSteel" ishte 156.2 milionë ton në gusht 2020", deklaroi shoqata të enjten vonë.

Turqia, prodhuesi i shtatë më i madh i çelikut të papërpunuar shënoi një rritje prej 22.9 për qind në prodhimin e çelikut të papërpunuar në 3.2 milionë ton gjatë së njëjtës periudhë.

Kina prodhoi 94.8 milionë ton çelik të papërpunuar në gusht, 8.4 për qind më shumë se të njëjtin muaj të vitit të kaluar.

Prodhimi i çelikut të papërpunuar të Indisë dhe Japonisë ra me 4.4 për qind, përkatësisht 20.6 për qind në 8.5 milionë ton dhe 6.4 milionë ton.

SHBA me prodhim prej 5.6 milionë ton shënoi rënie prej 24.4 për qind nga gushti i vitit 2019.

Sa i përket Bashkimit Evropian, Gjermania prodhoi 2.8 milionë ton çelik të papërpunuar, një rënie prej 13.4 për qind në bazë vjetore.

Shoqata Botërore e Çelikut është një grup i mirënjohur i industrisë ndërsa anëtarët e saj përfaqësojnë rreth 85 për qind të prodhimit global të çelikut me më shumë se 160 prodhues të çelikut.

Grupi theksoi se për shkak të vështirësive të vazhdueshme të paraqitura nga pandemia e COVID-19, shumë shifra të gushtit janë vlerësime që mund të rishikohen me azhurnimin e prodhimit të muajit tjetër.

Kalendari

Ngjarjet e datës 5 Mars 2021  - Kuvendi komunal i Prishtinës mban seancë solemne për nder të shënimit të Epopesë së Ushtrisë Çlirimtare të Kosovës. (Objekti i komunës së vjetër, ora 9:00)

- Kryetari i Partisë Demokratike të Kosovës, Enver Hoxhaj me bashkëpunëtorë do të bëjnë homazhe në Kompleksin Memorial në Prekaz në nderim të sakrificës së Familjes Jashari, në 23 vjetorin e "Epopesë së UÇK-së". (Kompleksi Memorial në Prekaz, ora 9:45)

- Komuna e Prizrenit do te mbajë seancë solemne me rastin e 23 vjetorit të Epopesë së UÇK-së. (Salla e Kuvendit e Komunës në Shtëpinë e Bardhë, ora 10:00)

- Kuvendi komunal i Pejës  mban seancë solemne për nder të shënimit të Epopesë së Ushtrisë Çlirimtare të Kosovës. (Salla e Kuvendit Komunal të Pejës, ora 10:00)

- Mbahet ceremonia e nënshkrimit të Memorandumit të Mirëkuptimit ndërmjet Universitetit të Prishtinës “Hasan Prishtina” dhe Projektit “Heras Plus”. (Rektorati i UP-së, ora 10:00)

- Mbahet seanca solemne e Kuvendit të Komunës së Gjilanit, e cila mbahet për nderë të shënimit të Manifetimit “Epopeja e UÇK-së”. (Salla e mbledhjeve të KK-Gjilan, ora 10:00)

- Kryetar i Partisë Liberale Egjiptiane dorëzon ankesë në PZAP lidhur me procesin zgjedhore dhe orkestrimin e votave nga Lista Serbe duke e mbështetur  kunderligjshëm ' Romani Iniciativa". (PZAP, ora 10:00)

- Komuna e Prishtinës mban konferencë për media në të cilën do të behët prezentimi i planit te renovimit te soliterave në lagjen "Ulpiana". (Ndërtesa e vjeter e Komunës, ora 11:00)

- Fondi për Popullsi i Kombeve të Bashkuara lanson kampanjën “bashkë kundër covid-19”. (Instituti Kombëtar i Shëndetësisë Publike, ora 11:00)

- Hapet ekspozita “Kujtesa e Kosovës - Adem Jashari - rrëfime për të bëmat dhe heroizmin”. (Biblioteka Kombëtare “Pjetër Bogdani”, ora 11:00)

- Në Gjykatën Speciale mbahet seanca e radhës ndaj Salih Mustafës. (Selia e gjykatës në Hagë, ora 11:00)

- Mbahet manifestimi qendror, Parada e FSK-së, për nder të 23 - vjetorit të Epopesë së Ushtrisë Çlirimtare të Kosovës, në kujtim të Komandantit Legjendar Adem Jashari, familjes Jashari dhe të gjithë Dëshmorëve të kombit, si dhe të gjithë të rënëve për liri. (Kazerma ''Adem Jashari'' të FSK-së në Prishtinë, ora 12:00)

- Presidentja e Republikës së Kosovës, dr. Vjosa Osmani Sadriu dhe Kryeministri në detyrë, Avdullah Hoti do të marrin pjesë dhe do të mbajë një fjalë rasti në ceremoninë e FSK-së cila organizohet për nder të “Epopesë së UÇK-së”. (Kazerma “Adem Jashari” në Prishtinë, ora 12:00)

- Mbahet turniri në futsall. (Pallati i Rinisë, Prishtinë, ora 18:00)