28 Shkurt 2020

Prezantohet automobili i parë i Turqisë

Ankara, 28 dhjetor - Me një ceremoni festive ku ka marr pjesë edhe Presidenti Recep Tayyip Erdoğan, shteti i Turqisë ka prezantuar prototipin e parë te automobilit vendor.

Ky automobil, i cili ka distancën më të gjatë të akseve të këtij segmenti, brenda 30 minutave do të arrijë 80 për qind të kapacitetit të karikimit.

Me platformën modulare elektrike automobili do të ketë dy opsione, 300+ dhe 500+ kilometra distancë me një karikim, ndërsa do të jetë i kyçur vazhdimisht me qendër dhe përditësimet do të mund të bëhen nëpërmjet lidhjes 4G dhe 5G.

Menaxhimi i avancuar i baterisë dhe sistemet aktive të administrimit termik sigurojnë një makinë me bateri afatgjatë, ndërkaq shpejtësinë nga 0-100 km/h motori me 200 kuaj fuqi arrin për 7,6 sekonda, ndërsa modeli me motor 400 kuaj fuqi arrin për 4,8 sekonda.

Makina, e cila është 100 për qind elektrike, pas shtëpisë dhe zyrës do të jetë hapësira e tretë e jetesës dhe do të punojë me teknologji inteligjente që ofron më shumë se një makinë.

Infrastruktura e lidhjes e automobilit të Turqisë do të zëvendësojë në mënyrë të përhershme internetit dhe nuk do të nevojitet ndonjë pajisje të veçantë për t’u lidhur në internet.

Makina do të jetë në komunikim me të gjithë infrastrukturën inteligjente të qytetit, rrjetin elektrik, pajisjet, shtëpitë dhe ndërtesat dhe do të bëhet një asistent në shumë fusha të ndryshme të jetës.

Me dekretin e Presidentit të botuar në Gazetën Zyrtare, u qartësuan edhe detajet e prodhimit të makinave vendore elektrike.

Sipas dekretit të nënshkruar nga Presidenti Rexhep Tajip Erdoan (Recep Tayyip Erdoğan), fabrika për prodhimin e makinave vendore elektrike do të ngrihet në Bursa dhe do të jepet ndihma shtetërore e bazuar në projekt.

Shuma totale e investimit fiks e parashikuar për ndërtimin e fabrikës, e cila do të ndërtohet si investim i ri nga ana e Grupit të Iniciativës Automobilistike Turke (TOGG), do të jetë 22 miliardë lira turke.

4 mijë e 323 persona do të punësohen në fabrikën për prodhimin e makinave vendase dhe 300 prej këtyre do të jenë personel të kualifikuar.

Prodhimi i makinave elektrike do të jetë 175 mijë njësi në 5 modele në vit.

 

Kalendari

Ngjarjet e datës 28 shkurt 2020 - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)