14 Dhjetor 2017

Parku Industrial në Suharekë model për të gjithë prodhuesit

Prishtinë, 21 shtator - Ministri i Tregtisë dhe Industrisë, Bajram Hasani, i shoqëruar nga zëvendëskryeministri Fatmir Limaj dhe kryetari i komunës së Suharekës, Sali Asllanaj, vizituan Parkun Industrial në Shirokë të Suharekës, ku vizituan Fabrikën e Mobileve ”Te Naseri”, Fabrikën e  Stiroporit “Graniti” dhe Fabrikën e prodhimit të elementeve të Betonit ”I Seferi”.

Pas vizitës që iu bënë këtyre ndërmarrjeve zëvendëskryeministri Limaj, ministri i Tregtisë dhe Industrisë Hasani dhe kryetari i komunës së Suharekës Asllanaj deklaruan se do të vazhdohet mbështetja institucionale ndaj bizneseve për të rritur mundësinë e prodhimit dhe uljes së papunësisë.

Zëvendëskryeministri Fatmir Limaj deklaroi se Parku Industrial në Suharekë është model dhe udhërrëfyes për të gjithë prodhuesit, biznesmenët, ndërmarrësit në Kosovë, për të ecur dhe për ta drejtuar vendin, drejt zhvillimit ekonomik. Po ashtu, Limaj tha se ky park duhet të jetë shembull i një parku industrial në rajon. 

Ndërsa, ministri i Tregtisë dhe Industrisë, Bajram Hasani, u shpreh se do të angazhohemi që t’i ndërmarrin të gjitha masat për ta fuqizuar prodhimin vendor. Ai më tej theksoi: “ Nga këto do të japim një mesazh të qartë se të gjitha zonat ekonomike në nivel të vendit, që janë kryer të gjitha procedurat si në Drenas, Lipjan, Shtime, në Viti do t’i përkrahim dhe do t’i shtyjmë përpara. Ne, sot këtu vizituam disa prodhime ku u fasciounuam se kemi njerëz, kemi punëtorë që e donë punën. Ne do t’i qëndrojmë fuqishëm të gjithë prodhuesve dhe do të marrim të gjitha masat mbrojtëse, që ta fuqizojmë prodhimin vendor”, tha ministri Hasani.

Ndërkaq kryetari i komunës së Suharekës, Sali Asllanaj, tha se përfaqësuesit institucionalë, gjatë kësaj vizite, treguan dhe premtuan se do t’i mbështesin bizneset e kësaj komune.

Ministri i Tregtisë dhe Industrisë, Bajram Hasani, që nga marrja e postit të ministrit bëri vizitën e parë, së bashku me zëvendëskryeministrin Limaj, tek bizneset për të treguar se ato do ta kanë përkrahjen institucionale në vazhdimësi.

 

Kalendari

Ngjarjet e datës 15 Dhjetor 2017 - Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 8:00)

- Komisioni për Zhvillim Ekonomik, Tregti dhe Industri i Kuvendit të Kosovës, do të takojë Janez Kopac, drejtor i Sekretariatit të Komunitetit të Energjisë, me seli ne Vjenë ku do te bisedoj lidhur me gjendjen aktuale të përputhshmërisë me Traktatin e Komunitetit të Energjisë, nga ana e Kosovës. (Ndërtesae Kuvendit, salla N-303, ora 9:00)

- Ministrit të Punëve të Brendshme Flamur Sefaj raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës rreth zbatimit të Planit Kombëtar për Zbatimin e MSA-së dhe Marrëveshjeve të Brukselit mes Kosovës dhe Serbisë;. (Ndërtesae Kuvendit, salla N 302, ora  10:00)

- Caritas Kosova do të dhurojë 25 shtretër me dyshekë dhe komodina, donacion për Qendrën Klinike Universitare të Kosovës. (Objekti i Klinikës së Kirurgjisë, ora 11:00)

- Organizatat e dala nga lufta e UÇK-së, do të fillojnë me nënshkrimin e Peticionit, përmes të cilit kërkojnë që Kuvendi i Kosovës të bëjë ndryshimin dhe plotësimin e Ligjit Nr.05/L-053 për Dhomat e Specializuara dhe Zyrën e Prokurorit të Specializuar, për çështjen diskriminuese ndaj Kosovës. (Sheshi Skenderbeu, ora 11:00)

- ARDA organizon ceremoninë e hapjes së Panarit Dimëror në Prishtinë. (Sheshi Skënderbeu, ora 11:00)

- Ministria e Kulturës, Rinisë dhe Sportit organizon ceremoninë e ndajres së certifikatave për 200 të rinj për pjesëmarrjen e tyre në trajnimin “Ndërmarrësi për të rinjtë e Kosovës”. (Ish Instituti i Historisë, tani ndërtesa e administratës së UP-së, afër Institutit Albanologjik të Kosovës, ora 11:30)

- Mbahet një konferencë për media lidhur me deklaratën e përbashkët të dhjetëra subjekteve joqeveritare për Projekt-ligjin për Dhënien në Shfrytëzim dhe Këmbim të Pronës së Paluajtshme të Komunës, i cili është duke u draftuar nga Ministria e Administrimit të Pushtetit Lokal dhe parashihet t'i dërgohet Kuvendit të Kosovës. (Qendra Informative dhe Kulturore e BE-se, ora 13:00)

- Kryeministri Ramush Haradinaj takim me punonjësit e Administratës Tatimore të Kosovës. (Hotel Swiss Diamond, ora 14:00)

- Rrjeti Ballkanik i Gazetarise Hulumtuese, BIRN Kosova, ne bashkepunim me Qendren e Avokimit per Kulture Demokratike, ACDC, do te organizoje nje koktej rasti per ceremonine e ndarjes se çmimeve per 3 storiet me te mira gazetareske, ne kuader te iniciatives se perkrahur nga Ambasada Holandeze ne Kosove. (Kafe-librari, Dit' e Nat', 18:00)

-  Hapet ekspozita "Bri plagomës prej nga derdhet dhimbja" me fotografi të refugjatëve nga Kosova në Kukës gjatë luftës së vitit 1999, të autorit Fatos Lubonja. (Modelariumin e Arkitekturës mbrapa Ministrisë së Arsimit, ora 19:00)