12 Nëntor 2019

OAK përkrahë biznesin Lina-Ks SH.P.K në zgjidhjen e problemit me KPMM

Prishtinë, 12 prill - Me qëllim të diskutimit rreth zgjidhjes së problemit dhe përkrahjes së biznesit Lina-Ks SH.P.K., Oda e Afarizmit të Kosovës (OAK) zhvilloi takim me Bordin e Komisionit të Pavarur për Miniera dhe Minerale (KPMM).

Qendresa Ibrahimi, Koordinatore e OAK, falënderoi Bordin e KPMM-së për pritjen dhe pati si kërkesë të sqarojnë dhe diskutojnë më detajtisht lidhur me rastin, dhe të japin ndonjë alternativë për zgjidhjen e problemit të biznesit Lina-Ks SH.P.K pasiqë biznesi në fjalë i ka plotësuar të gjitha kriteret e kërkuara për liçencim, në mënyrë që kompania të startoj me punë.

Sokol Godeni, përfaqësues i Lina-Ks SH.P.K, shpjegoi para bordit drejtues të KPMM për problemin, shpenzimet dhe peripetitë e mëdha rreth procedurave për liçencim. Godeni deklaroi se kompania të cilën e përfaqëson i ka kryer të gjitha obligimet shtetëtore andaj kërkoi një zgjidhje për të. 

KPMM i kishte kthyer një përgjigje më herët, me të cilën e kishte njoftuar se edhe përkundër kërkesave që të plotësoj të gjitha kushtet, me ligj është e ndaluar që të shes prodhimin.

Kryetari i Bordit të KPMM, Musa Shabani, tha se kanë trajtuar me kujdes lëndën në fjalë dhe se kanë parë se lënda ka qenë e kompletuar 90%  andaj kishte edhe disa detaje të tjera të plotësohen.

Në fund, kryetari Shabani këshilloi përfaqësuesin e Lina-Ks SH.P.K me disa udhëzime të tjera për plotësim dokumentacioni për të zgjidhur rastin.

OAK është duke punuar vazhdimisht me qëllim të ndryshimit të klimës së të bërit biznes në Kosovë.  

 

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)