23 Tetor 2018

Musk tërhiqet nga plani për privatizimin e Teslës

New York, 25 gusht - Vetëm dy javë pasi njoftoi se po merrte në konsideratë një marrëveshje për të privatizuar prodhuesin e makinave elektrike Tesla, shefi ekzekutiv i kësaj kompanie, Elon Musk ka hequr dorë nga ky plan.

Plani është anuluar pas një takimit të bordit drejtues gjatë së enjtes, ndërsa lajmi është mësuar pasi është publikuar në faqen zyrtare të kompanisë. Që pasi njoftoi planin për ta hequr nga bursa Teslën, aksionet e saj ranë me afro 20 për qind.

Musk tha më pas se i kishte shpjeguar bordit drejtues se, besonte që rruga më e mirë për t’u përvijuar për Teslën ishte të mbeturit një kompani publike, e me këtë sugjerim ranë dakord të gjithë.

Musk, i cili zotëron një të pestën e aksioneve të kompanisë, tha se kishte folur me aksionerët dhe bankat më të mëdha për të konsideruar privatizimin, por të gjithë arritën të kuptonin se gjëja më e mirë ishte të mos ndodhte kjo.

Më herët gjatë këtij muaji, Elon Musk tronditi investitorët kur njoftoi në “Twitter” se kishte fondet e mjaftueshme për ta privatizuar Teslën për një vlerë prej 72 miliardë dollarësh. Më vonë u mësua se ai nuk kishte arritur të përmbyllte një marrëveshje me fondin e pasurisë sovrane të Arabisë Saudite, ndërsa investitorët e pakënaqur ngritën edhe një padi ndaj tij, pas lajmit.

Padia ndaj tij vijon, pavarësisht anulimit të planit të Musk për privatizimin e kompanisë, pasi hetuesit e Komisionit të Letrave me vlerë dhe Këmbimit në SHBA duan të shohin nëse “cicërima” në “Twitter” kishte shkelur ligjet për letrat me vlerë.

Tesla është përballur me presione gjithnjë e në rritje financiare këtë vit, teksa projekton të prodhojë më shumë automjete të “Modelit 3”. Më 1 gusht, ndërkohë që Tesla raportoi një tjetër humbje rekord, Musk tha se priste që kompania të dilte me fitim në gjysmën e dytë të vitit 2018, e në çdo tremujor në vijim. Por, kjo vështirë se mund të ndodhë.

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)