02 Dhjetor 2020

Ministria e Financave ndihmon sektorin e prodhimit me 90 milion euro tatime

Prishtinë, 6 prill - Ministri i Financave që nga marrja e mandatit ka vendosur si qëllim strategjik që buxhetin e Shtetit ta mbush përmes zhvillimit ekonomik të vendit dhe jo duke vendosur tatime të reja dhe duke ngritur tatimet ekzistuese.

Në frymën e kësaj që nga dita e parë e marrjes së mandatit ka marr hapa shumë të medhenjë në politika fiskale duke liruar nga tatimi doganor të gjithë lëndën e parë, paisjet e prodhimit, gjysëm produktet dhe paisjet e IT për ta ndihmuar jo nvetëm prodhimin por edhe punësimin e të rinjëve dhe të rejave.

Falë këtyre  poltikave fiskale që nga dita e parë e lirimit janë liruara mallra në vlerë totale më shumë se 320 milion euro, ndërsa vetëm në nivel të tatimeve  deri më 30 mars 2019 janë 90 milion euro të cilat nuk kanë hyrë në buxhet por i janë dhënë sektorit të prodhimit për ta filluar prodhimin e ri apo zgjeruar prodhimin ekzistues.

Këto politika kanë dhënë rezultatet e para shumë pozitive në tri aspekte, në aspektin  rritjes së numerit të prodhuesve ku sipas të dhënave të ASK-së më së shumti rritje të numrit të bizneseve ka pasur te sektori i prodhimit dhe te ai i ofrimit të shërbimeve, e dyta ka pasur efekt shumë pozitiv te numeri I të punësuarave prapë  sektori privat prinë,  sipas  te dhënave nga ATK shihet  se numri i të punësuarave nga 2018 ka një rritje për rreth 15 mijë më shumë krahasuar me 2017, sidomos  te sektori privat siç janë bizneset individuale, shoqërit aksionare  dhe Sh.P.K.

Trend shumë pozitiv i prodhimit  po shihen  edhe në tre muajtë e parë të këtij viti.  Ku nga 01 janari deri më 30 mars janë 17 milionë  euro tatime të liruara.  Ndersa në periudhën e njejtë të vitit 2018  ishte 13 mililionë euro.

Tani jemi duke e përgatitur paketën legjislative tatimore për ta sjell sa me afër me direktivat e BE-së dhe për ti thjeshtëzuar gjithë procedurat dhe eliminuar gjithë burokracinë për biznesin ku pa dyshim do të ketë një ulje të shpenzimeve  dhe kursim të kohës që kalon biznesi duke humbur në procedura të ndryshme.

Përveç me politika fiskale edhe me mjetet tjera Ministria e Financave  po e ndihmon shumë biznesin duke i ofruar masa lehtësuese për ti rritur aftësitë e punës te të rinjtë dhe të rejat përmes marrëveshjeve të ndryshme ndërkombëtare, ku që nga dita e parë e marrjes së mandatit deri më sot vetëm në formë të granteve, për shkak të stabilitetit të qëndrueshëm mikro fiskal janë 184,096,000 milionë euro, me pas jemi duke e zhvilluar me ritme shumë të shpejta Fondin për Garantimin e Kredive për ti ndihmuar të gjitha bizneset e reja të cilat nuk kanë mundësi të ofrimit të një mbulese në Banka apo institucione tjera financiare.

Deri më tani Fondi  ka garantuar shumë, janë 93,822,838 milion euro kredi të lëshuara nga Institucionet Financiare të Regjistruara  të cilat janë të shpërndara  në 2409 ndërmarrje mikro, të vogla dhe të mesme.   

Kalendari

Ngjarjet e datës 2 Dhjetor 2020

- Sindikata e Infermierëve të Kosovës do të zhvilloj një takim me Minsitrin e Shëndetësisë, Armend Zemaj lidhur me kërkesat për rritje të pagesës së ndërrimeve të natës për infermier, pagesë të orëve shtesë dhe punës gjatë vikendeve si dhe për pagesë të rrezikshmerisë në punë. (Ndërtesa e Ministrisë, ora 8:30)

-  Komisioni Hetimor Parlamentar lidhur me procesin e privatizimit në Kosovë cakton datat e intervistave për dëshmitarë. (Ndërtesa e Kuvendit, salla N303, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale e Arsimit, Xhemile Thaçi - Vezgishi, do të marrin pjesë në përurimin e fillimit të punimeve për ndërtimin e aneksit të objektit shkollor “Naim Frashëri” në fshatin Vlashnje. (Vlashnje, ora 10:00 - Nisja nga Shtëpia e Bardhë, ora 9:30)

- Gjykata Kushtetuese e Republikës së Kosovës do të mbajë seancë dëgjimore publike në të cilën do të shqyrtohet kërkesa KO95/20, që për objekt të shqyrtimit ka: “Vlerësimin e kushtetutshmërisë së Vendimit të Kuvendit të Republikës së Kosovës Nr.  07/V-15, të miratuar më 3 qershor 2020, përkitazi me zgjedhjen e Qeverisë së Kosovës”. (http://gjk-ks.org/live-streaming/, ora 10:00)

- Lëvizja FOL organizon diskutim online ku do të publikohet raporti “Dështimet e Kuvendit në Funksionalizimin e Agjencisë për Informim dhe Privatësi”. (Diskutimi mbahet online përmes platformës ZOOM, ora 10:00)

- Komisioni për Buxhet dhe Transfere shqyrton raportin vjetor financiar i Këshillit Gjyqësor të Kosovës, Këshillit Prokurorial të Kosovës, Komisionit Qendror të Zgjedhjeve dhe Komisionit për Ndihmë Shtetërore si dhe Raportit të Ndihmës Shtetërore. (Ndërtesa e Kuvendit, salla C203, ora 10:00)

- Me rastin e 76 vjetorit të lindjes së ish-Presidentit Historik të Kosovës Dr. Ibrahim Rugova, kryesia e LDK-së bën homazhe te varri i tij. (Velani, ora 10:30)

- Organizata për Rritjen e Cilësisë në Arsim publikon raportin "Integriteti akademik, publikimi shkencor dhe justifikimi i titujve akademikë në Universitetin e Gjakovës". (Zyra e ORCA-s afër Librarisë Buzuku, ora 11:00)

- Kryeministri Avdullah Hoti merr pjesë në ceremoninë e inaugurimit të Kompleksit Memorial ‘’Dr. Ibrahim Rugova’’. (Istog, ora 12:00)

- Baleti Kombëtar i Kosovës mban konferencë për media me rastin e Premierës së shfaqjes “Sisters”. (Teatri Kombëtar i Kosovës, ora 13:00)

- Partia Demokratike e Kosovës mban konferencë për media në të cilen do të flasë shefi i Grupit Parlamentar, njëkohësisht, anëtari i Kryesisë, Bedri Hamza. (Zyret e Selisë Qendrore, ora 13:30)  

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës interviston drejtoreshën e Barnatores Qëndrore në SHSKUK-së, Gezime Pllana. (Ndertesa e Kuvendit, salla N303, ora 14:00)

- Mbahet ceremonia e nënshkrimit të marrëveshjeve të bashkëfinancimit në lidhje me “Thirrjen publike për subvencionim të NMVM-ve me pronësi të grave ndërmarrëse”, ku prezent do të jetë edhe ministri Vesel Krasniqi. (objekti i MTI-së, ora 14:00)

- Me rastin e fushatës "16 ditë aktivizëm për dhunën ndaj gruas", në bashkëpunim me UNDP-në do të bëhet ndriçimi i Shtëpisë së Bardhë ku do të jetë i pranishëm edhe kryetari i Komunës, Mytaher Haskuka dhe përfaqësuesja e Përhershme e UNDP-së në Kosovë, Maria Suokko. (Shtëpia e Bardhë në Pirzren, ora 16:00)