13 Prill 2021

Mbi 300 minatorë të Artanës futen në grevë, nuk morën as pagat e janarit

Prishtinë, 1 mars - Rreth 400 minatorë të Minierës së Artanës kanë hyrë në grevë, pasi që të njëjtëve nuk i janë përmbushur kushtet bazë dhe të njëjtëve nuk iu është dhënë as paga e muajit janar e tutje.

Greva në fjalë është konfirmuar për lajmi.net nga përfaqësuesi i minatorëve, Blerim Ymeri.

Ymeri deklaroi se menaxhmentin e kanë informuar ditë më parë për grevën, por që nuk është marrë parasysh asnjë prej kërkesave të tyre dhe kësisoj afro 400 minatorë tashmë janë në grevë.

“Komplet njësia punëtorë që janë diku përmi 300 punëtorë janë në grevë prej ditës së sotme zyrtarisht edhe pse që tri ditë i kemi paralajmëruar dhe kemi shpreh pakënaqësi të pagës. Prej sot jemi zyrtarisht në grevë dhe arsyeja është mos-realizimi i pagës, pra rroga e muajit janar. Ka disa që i kanë marrë 70% të pagës e të tjerët as at 70%”, tha ai.

Tutje Ymeri theksoi se kërkesat janë paraqitur më parë, por që nuk janë marrë parasysh pra s’kanë gjetë arsye as të bisedojnë me ta.

“As nga Qeveria nuk na ka kontaktuar askush ende, edhe pse patën pas ti alokojnë 1.7 milionë euro, nga subvencioni por nuk janë aloku as ato”, shtoi ai.

Sipas Blerim Ymerit nga menaxhmenti as nuk janë interesuar të flasin me ta, për paraqitjen e kërkesës për alokimin e pagave.

Ndryshe minatorët e Kosovës përballen tash e shumë kohë me problem të ngjashme, ku mos-alokimi i pagave dhe kushtet bazë shpesh herë kanë munguar.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)