20 Shkurt 2018

Masat e reja fiskale 100 për qind lirojnë prodhuesit nga taksat pa kushte

Prishtinë, 9 tetor - I vlerësojmë lartë masat fiskale që 100%  lehtësojnë çdo aktivitet prodhues e përpunes në Kosovë pa kushte. Këto tejkalojnë edhe çdo pako të quajtura 1 dhe 2. Këto masa lehtësuse i kanë munguar Kosovës që nga pavarësia e saj, tha Agim Shahini, kryetar i Aleancës Kosovare të Bizneseve.

Ai shtoi se që nga viti 2014 një gjë e tillë ka qenë e premtuar nga partitë politike e Qeveria e Kosovës dhe i disajnuar nga AKB-ja dhe përfaqësus tjerë të biznesit. Ka munguar guximi i qeverisë për të bërë këto reforma fiskale apo presioni i lobit të tregtarëve të fuqishëm që të barazon fuqinë konkuruese të prodhuesve vendës me ata të huaj në tregun tepër liberal në vendin tonë.

AKB-ja, përshëndet Qeverinë e Kosovës dhe ministrin e Financave, që pas dhjetë ditësh që ne i kemi paraqitë kërkesat me shkrim për reforma dhe  lehtësira fiskale kanë marr vendimin e duhur. Edhe pse të vonuar, por shumë domethënës që jep përshtypje se kjo qeveri do të forcon fuqinë konkuruese të prodhuesve kosovar.

Agim Shahini, foli edhe për faljen e borgjeve të disa kompanive vendëse që kishin për shfrytëzimin e ujit për prodhim dhe ambalazhim rreth 59 milionë euro. Sipas tij ky është vendim i guximshëm e me vend dhe nga kjo nuk ka humbur askush, sepse ujë nuk ka qenë prodhim i qeverisë që të ia faturon bizneseve, por është burim i natyrës dhe këto kompani e kanë shfrytzuar për prodhim, punësim, eksport dhe parandalim i eksportit të parave të gatsthme për import të ujit nga vendet e ndryshme të regjionit.

Suat Berisha, nënkryetar i AKB-së tha se Ligji për Prishtinën ka rëndësi të madhe dhe se është po ashtu një vendim shumë i  rëndësishëm për kryeqytetin e Kosovës dhe për jetën e qytetarëve dhe bizneseve që jetojnë dhe punojnë  këtu, por edhe për investitorët është një mundësi e re.

Ai shtoi se AKB-ja, e vlerëson ritmin dhe angazhimin e Qeverisë së Kosovës për të krijuar Kosovën nga një vend importues në një vend eksportues, pra nga një vend pesimistë për qytetarët e vendit, një vend me shpresë për ta.

Sylejman Konushefci, pronar i fabrikës së vajit ushqimore Biooil, tregoi se për shkak të politikave jo të mira fiskale e të shtrejta ishte detyruar që një pjesë të fabrikës së vajit ta barti në Bulgari.

Ai thotë se po pret të sheh politikat fiskale të reja që pritet të nisin së zbatuari nga një janari vitit 2018, të shoh dhe nëse ato janë të favorshme përsëri njërën pjesë të fabrikës do të kthej në Kosovë.  

Lumnije Ajdini, menaxhere e AKB-së,  tha se Ligji 04 L -163 për mallrat e liruara nga tatimi doganor  nga vitit 2014 i kanë dhënë të drejt ministrit të Financave që në bazë të udhëzimit administrative të liroi të gjitha produktet për lëndë të parë për prodhim, gjysëm produkt, linja të prodhimit, pajisje teknologjike si dhe lirim nga akciza për të gjitha burimet e energjisë që përdoren si lëndë përcjellëse të prodhimit. Këto masa fiskale duhet të plotësohen në vazhdimsi varësisht nga kërkesat e bizneseve prodhuese, sepse ia lejon ligji.  

Kalendari

Ngjarjet e datës 20 Shkurt 2018 - Kryetari i SBASHK-ut Rrahman Jasharaj i shoqëruar nga kryetari i Sindikatës Komunale të Prishtinës Ahmet Pllana do të vizitojnë Shkollën e Mesme Bujqësore “Abdyl Frashëri” në Prishtinë në grevën dy-orëshe. (Shkolla e Mesme Bujqësore 'Abdyl Frashëri', ora 8:10)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 10:00)

 - Fondacioni i Kosovës për Shoqëri të Hapur organizon konferencën “Momenti i ri i zgjerimit në BE: Çfarë mund të përfitojë Kosova”. (Hoteli Swiss Diamond, ora 10:00)

- Mbahet mbledhja e Komisionit i për Administratë Publike, Qeverisje Lokale dhe Media në të cilën do të bëhet shqyrtimi i Projektligjit për Ratifikimin e Marrëveshjes për themelimin e Shkollës Rajonale të Administratës Publike. (Ndërtesa e Kuvendit, salla S-I, ora 10:00)

- Fondacioni i Westminster për Demokraci në partneritet me Institutin e Kosovës për Drejtësi do të organizojnë tryezën e diskutimit “Iniciativa për Dekriminalizimin e Politikës në Kosovë”. (Hotel Sirius, ora 10:00)

- Kryeministri Ramush Haradinaj viziton minatorët e Mitrovicës, me rastin e Ditës së Grevës së Minatorëve. (Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim  në të cilën do të bëhet shqyrtim i Projektligjit për Presidentin, inicimi i Komisionit për nismën legjislative për plotësim dhe ndryshim të Ligjit për Festat Zyrtare, etj. (Ndërtesa e Kuvendit, salla N 302, ora 11:00)

- Kryetari i SBASHK-ut Rrahman Jasharaj do të takohet me kryetarin e Këshillit grevist të Universiteteve Bardh Bardhi. (Ambientet e Fakultetit Teknik në Prishtinë, ora 11:00)

- Mbahet takimi i delagacionit të Aleancës Kosovare të Bizneseve me kryetarin e Komunës së Vushtrris Xhafer Tahirin, ku do të nënshkruet Memorandumi i Bashkëpunimit në mes dy palëve për realizimin e disa projekteve të përbashkëta ekonomike. (Zyrat e kryetarit të  Komunës së Vushtrris, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të behët shqyrtimi i Raportit me amendamente i Komisionit Funksional në Projektligjin mbi masat doganore për mbrojtjen e të drejtave të pronësisë intelektuale. (Ndërtesa e Kuvendit, salla S-I, ora 12:00)

- Lëvizja Vetëvendosje organizon tryezën me temë 'Procesi i kompromentuar i dënimit të aktivistëve të Lëvizjes Vetëvendosjes! dhe Rezoluta nga debati parlamentar2018'. (Ndërtesa e Kuvendit, salla N 409, ora 13:00)

- Shef i negociatave me Serbinë, Avni Arifi do të raportojë para Komisionit për Punë të Jashtme, Diasporë dhe Investime Strategjike lidhur me Platformën e Qeverisë së Kosovës për procesin e dialogut Kosovë-Serbi. (Ndërtesa e Kuvendit, salla S-2, ora 13:00)
 
- Zyra për Çështje të Komuniteteve organizon konferencën ceremoniale për festimin e Ditës së Komunitetit Ashkali. (Ndërtesa e Qeverisë, salla nr. P38, ora 14:00)

- Kryeministri Ramush Haradinaj merr pjesë na manifestimin, organizuar nga Zyra e Kryeministrit/ Zyra për Çështje të Komuniteteve,  për nder të Ditës së Ashkalive. (Ndërtesa e Qeverisë, salla P-38, ora 14:00)

- Ministri i Financave Bedri Hamza do të pret në takim  kryetarin e Odës Ekonomike të Kosovës Safet Gerxhaliu, kryetarin e Odës Amerikane në Kosovë Arian Zeka, kryetarin e Klubit të Prodhuesve të Kosovës Astrit Panxha si dhe drejtorin Ekzekutiv të Këshillit të Investitorëve Evropian Shpend Balija. (Ndërtesa Kryesore e Qeverisë, ora 14:00)

- Kryeministri Ramush Haradinaj pret në takim kryetarin e SBASHK-ut, Rrahman Jasharaj. (Ndërtesa e Qeverisë, ora 15:00)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 16:00)