01 Qershor 2020

Komuna e Gjakovës jashtëligjshëm lejon ndërtimin e ndërtesave të larta

Gjakovë, 28 shkurt - Duke mohuar shprehjen e lirë të asambleistëve të Alternativës në Gjakovë, dje ka filluar edhe mbledhja e radhës e Kuvendit Komunal, në të cilën ndër pikat tjera të rendit të ditës ishte dakorduar që të paraqitet edhe propozim vendimi për shfuqizimin e planit urbanistik “Gjakova 2005”, plan ky që është në kundërshtim me Ligjin për Planifikim Hapësinor dhe Ligjin për Trashëgimi Kulturore, e që në fakt në mënyrë të vazhdueshme cënon katër objekte në mbrojtje të trashëgimisë në pjesën historike dhe qëndrore të qytetit të Gjakovës.

Asambleistët e Alternativës duke u bazuar në ndërtimet e fundit që po bëhen brenda perimetrit prej 50 metrave të objekteve si  kulla “Sulejman Vokshi”, objekti i shkollës së parë shqipe “Mejtepe Ruzhdije” dhe objekti i shkollës së vjetër të muzikës, kanë argumentuar me fakte dy vendimet kundërthënëse të Institutit për Mbrojtjen e Monumeteve të Trashëgimisë Kulturore, rekomandimin me një nënshkrim të komisionit prej 7 antarësh për përcaktimin e perimetrit dhe neglizhencën e Komunës së Gjakovës ndaj konkluzionit 4 të Ministrisë së Mjedisit dhe Planifikimit Hapësinor për ta drejtuar qështjen në Gjykatën Themelore në Prishtinë, në lidhje me lejen e ndërtimit të një ndërtese shumëkatëshe në afërsi të objekteve nën mbrojtje.

Përkundër të gjitha argumenteve propozimi i Asambleistëve të Alternativës u kundërshtua me shumicë votash duke e bërë kështu edhe Kuvendin Komunal të Gjakovës bashkëpuntorë në shkeljen e dy ligjeve që garantojnë mbrojtjen e monumenteve të trashëgimisë kulturore.

Gjithashtu, në mbledhjen e fundit të Kuvendit Komunal nga anëtarët e Alternativës, është kërkuar edhe shqyrtimi i urdhëresës së kryetarit Ardian Gjini për pushim të detyrueshëm të bizneseve në ditët e festave, urdhëresë kjo që po dëmton sidomos bizneset e vogla në Komunën e Gjakovës dhe po paralizon jetën në ditët festive në këtë komunë.

Këshilltarët Komunal nga subjekti Alternativa kanë dhënë komentet e tyre edhe për mungesën e transparencës sidomos në kostot e projekteve të prezantuara në planin e Prokurimit për vitin 2020, si dhe kanë drejtuar kritika për Drejtorinë e Arsimit në veçanti për investimet kapitale nga kjo Drejtori.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)

- Mbahet ceremonia e dorëzimit të pajisjeve mjekësore dhe mjeteve mbrojtëse kundër COVID-19, për Klinikën Infektive në QKUK, pajisje këto të financuara nga fondet e mbledhura gjatë kampanjës tonë Një kafe si flutur. (Barnatorja Qëndrore, QKUK, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)

 

- Presidenti i Republikës së Kosovës, Hashim Thaçi mban konferencë për media. (Hapësira në hyrje të Presidencës, ora 16:00)