27 Qershor 2019

Komisoni i Pavarur për Miniera dhe Minerale bën apel për ruajtje të mjedisit

Prishtinë, 21 mars – Aktivitetet minerare si hulumtimi, shfrytëzimi apo aktivitetet e veçanta në RKS, zhvillohen nga operator të ndryshëm. Në bazë të informacioneve që kemi, disa operator  këto  aktivitete i zhvillojnë në mënyrë të kundërligjshme.
Kjo gjendje, është duke shkaktuar degradimin dhe shkatërrimin e lumenjve, fushave dhe kodrave (shfrytëzimi i lumenjve dhe fushave për nxjerrjen e zhavorrit dhe gurëthyesit e ndryshëm).

Ka filluar zbatimi i planit të përbashkët operativ në bashkëpunim me  Policinë e Kosovës, Komisionin e Pavarur për Miniera dhe Minerale, Ministrinë e Mjedisit dhe Planifikimit Hapësinor, Inspektoratin e Agjencisë se Pyjeve, Inspektoratet nga Komunat, në gjithë territorin e Republikës së Kosovës. Qëllimi i këtij plani operativ është të ndërmirren të gjitha masat operative për të identifikuar të gjitha bizneset dhe personat fizik të cilët veprojnë kundër ligjeve në fuqi, të  gjitha aktivitetet e bizneseve të licencuara dhe ato që nuk posedojnë licenca në sektorin minerar, dhe të gjitha zonat e braktisura ku është zhvilluar aktivitet minerar, të cilat janë duke kryer apo kanë kryer veprën penale të Degradimit dhe shkatërrimit të mjedisit nga neni 347 i KPK-së.

Detyrat që do ti përmbaj ky plan janë:

1.    Ndërprerja e punës së menjëhershme të gjithë operatorëve të pa ligjshëm.
2.    Zbatimi i ligjit të aplikueshëm, evidentimi dhe procedimi penal në bashkëpunim me organet tjera të drejtësisë, Prokurori dhe Gjykatë.
3.    Mënjanimi i kësaj dukurie në atë lokacion duke shtuar kontrollin nga policia e Kosovës  dhe
4.    Mënjanimi i rreziqeve që paraqiten nga vend punishtja së bashku me KPMM-në dhe MMPH-në.

Luten të gjithë ndërmarrësit dhe personat fizik që të respektojnë urdhëresat e lëshuara gjatë verifikimit të tyre në terren. Nëse nuk janë të pajisur me Licencë apo Leje të aktiviteteve të veçanta të plotësojnë kushtet për aplikim sipas Ligjit për Miniera dhe Minerale për tu pajisur me Licencë shfrytëzimi apo Leje të aktiviteteve të veçanta.


 

Kalendari

Ngjarjet e datës 27 qershor 2019 - Ministria e Punëve të Brendshme, Qendra Kombëtare për Menaxhim Kufitar dhe Programi për Kontrollin e Eksportit dhe Sigurinë e Kufijve të Ambasadës Amerikane do të bëjnë "Demonstrim të drejtpërdrejtë" të sistemeve të QKMK-së ku përfshihen: aftësia e pranimit të thirrjeve të telefonatave përmes VOIP, Sistemi për Menaxhimin e Rasteve dhe veglën për Analizë Inteligjente të Biznesit. (Objekti qendrorë i MPB-së, ora 9:00)

- Ministria e Administratës Publike organizon seminarin për Monitorimin e Treguesve të Kontratës për Reformën Sektoriale të Reformës së Administratës Publike në Kosovë - Rezultatet e para të vlerësimit të ekspertëve të BE-së. (Swiss Diamond Hotel, ora 9:00)

- Let’s Do It Kosova” organizon Forumin “EverGreen Kosovo”. (Hotel Emerald, ora 9:00)

- Mbahet seanca e jashtëzakonshme e Kuvendit të Republikës së Kosovës në të cilën do të behët votimi në lexim të dytë i Projektligjit për tatimin në të ardhurat e korporatave. (Kuvendi i Kosovës, ora 10:00)

 - Komuna e Prizrenit do të bëj shpërndarjen e granteve për fermerët përfitues nga projekti i përbashkët i Drejtorisë së Bujqësisë dhe Zhvillimit Rural me Caritas Switzerland, "Prosperiteti i prodhimtarisë agrare në Kosovë nga investimet e qëndrueshme rurale – PASURI". (Hapësira e parkingut prapa Shtëpisë së Bardhë, ora 10:00)

- Mbahet seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, ora 10:00)

- Operatori i Sistemit, Transmisionit dhe Tregut të energjisë elektrike të Kosovës organizon ceremoninë solemne të inaugurimit të Nënstacionit 220kV Drenasi. (Objekti i ri në Drenas, ora 11:00)

- Mbahet ceremonia e diplomimit të kadetëve të Forcës së Sigurisë së Kosovës. (Kazerma e Komandës së Doktrinës dhe Stërvitjes në Ferizaj, ora 11:00)
 
- Presidenti i Republikës së Kosovës, Hashim Thaçi, merr pjesë në ceremoninë e inaugurimit të Nënstacionit 220/10 (20), në Drenas. (Objekti i ri në Drenas, ora 11:00)

- Kryeministri Ramush Haradinaj merr pjesë në ceremoninë e diplomimit të kadetëve të FSK-së, gjenerata 2019. (Kazerma “Skënderbeu”, Ferizaj, ora 11:00)

- Mbahet seanca e jashtëzakonshme e Kuvendit të Republikës së Kosovës lidhur me gjendjen në arsim dhe vendimet e Ministrisë së Arsimit, Shkencës dhe Teknologjisë në Republikën e Kosovës. (Kuvendi i Kosovës, ora 11:00)

- Konsorciumi Kosovar i Shoqërisë Civile për Zhvillim të Qëndrueshëm, KOSID, organizon një konferencë për media “Publikimi i letrës së re që KOSID i ka dërguar OPIC-ut, bankës që po e kosnideron përkrahjen ndaj Kosovës së Re”. (Shtëpia e Evropes, ora 11:30)

- Ministri i Kulturës, Rinisë dhe Sportit, Kujtim Gashi do të ndajë certifikatat për pjesëmarrës e kampit veror “Change-Makers”. (Parku i Gërmis, te koshat, ora 12:00)

- Kosovo 2.0 sjell themeluesin e revistës MyKali, Khalid Abdel Hadi i cili do të flasë për rolin e artit në ballafaqimin me çështjet si identiteti gjinor në shoqëritë ku dominojnë disa norma të posaçme, si dhe për sfidat dhe përvojat e tij në zhvillimin e revistës MyKali. (Hapësira e K2.0, ora 18:00)