15 Tetor 2019

Katari planifikon të tërhiqet nga OPEC-u

Doha, 4 dhjetor - Shtet arab i Gjirit Persik, Katari ka njoftuar papritur synimin e vet për t'u larguar nga OPEC-u.

Katari thotë se planifikon të tërhiqet nga karteli ndërkombëtar i naftës që nga janari i vitit të ardhshëm.

Kjo do të përbënte herën e parë që nga themelimi i OPEC-it në vitin 1960, që një vend i Gjirit largohet nga ky grup.

Katari ka shprehur synimet e tij për të shitur më shumë naftë dhe gaz natyror në treg.

Ndërsa zë vetëm rreth 2 për qind të eksportit mujor të naftës së OPEC-ut, Katari është furnizuesi më i madh në botë i gazit natyror të lëngshëm. 

Kalendari

Ngjarjet e datës 15 tetor 2019

-  Oda Ekonomike e Kosovës do të mbajë konferencë për media lidhur me zhvillimet në sektorin privat. (Objekti i Odës Ekonomike të Kosovës, ora 10:00)

- Ministria e Mjedisit dhe Planifikimit Hapësinor në bashkëorganizim me MASHT-in dhe OJQ – të mjedisore do të shënojë Ditën Ndërkombëtare të Ecjes së Lirë në Natyrë. (Parku “Germia”, ora 10:00)

- Shoqata Down Syndrome Kosova në bashkëpunim me GIZ-in gjerman organizon “Panairi i karrierës: takimi i punëdhënësve me punëkërkuesit” i cili zhvillohet në kuadër të fushatës ndërgjegjësuese për punësimin e personave me aftësi të kufizuar. (Hotel Sirius, ora 10:00)

- Fakulteti Ekonomik i Universitetit Publik të Gjilanit “Kadri Zeka” organizon takimin Fakultet-Biznese, ku do të diskutohet për të ardhmen e Fakultetit dhe mundësitë e bashkëpunimit dhe praktikes per studentet. (Objekti i Universitetit të Gjilanit, ora 12:00)

- Hapet edicioni i dytë i Metamorphosis. Flirting with leftovers e cila është një  intervenim artistik, specifik për lokacionin,  konceptuar nga artistja Koja. (Ish Restorant Marsi, rr. Bedri Gjini - Kodra e Trimave, ora 18:30)