04 Dhjetor 2020

Industria e automjeteve përballë ndryshimesh të mëdha në 2010

SHBA, 2 shkurt - Pas një viti të vështirë për industrinë e automjeteve, prodhuesit e makinave po e shikojnë me optimizëm vitin 2010. Ekspertët e industrisë thonë se ky vit mund të përbëjë një sfidë të re për firmat e ndërtimit të makinave, ndërkohë që ato përpiqen të motivojnë konsumatorët të blejnë prodhimet e tyre.

 

Madje analistët thonë se me fillimin e kësaj dekade të re, Kina do të luajë një rol gjithnjë e më të madh në industrinë e automjeteve.

Pas një viti të vështirë, kur shitjet e makinave në Shtetet e Bashkuara ranë në nivelin më të ulët në 26 vjet, ekspertët e industrisë thonë se prodhuesit po marrin një drejtim të ri. Në 2010n, thotë redaktori i revistës Auto Express, Richard Headland, fjala është për prirjen e gjelbër.

\"Prirja e 2010 do të jetë prodhimi i makinave miqësore për mjedisin. Vëmendja është përqendruar tani në rendimentin e tyre dhe tek gazi karbonik. Në ekspozitat e mëdha të makinave tani, ajo që dominon është prirja e gjelbër”.

Analistët thonë se shtimi dhënies së kredive dhe rritja e ekonomisë globale me 3 përqind do të ndihmojë prodhuesit e makinave të fitojnë një pjesë të tregjeve që humbën në 2009n. Për këtë firmat po dalin me modele të reja më tërheqëse për të rinj dhe të moshuar.Për blerësit e moshave të reja, Toyota Hi-CT është modeluar sipas personazheve multiplikativë popullorë japonezë.

Madje prodhuesit e makinave po shikojnë mundësi të mëdha në tregjet e makinave të shtrenjta.RICHARD HEADLAND, MAGAZINE EDITOR\"Mendoj se në tregjet e makinave luksoze do të shikojmë gjithnjë e më shumë hibride luksoze.

Për shembull, Lexus ka nxjerrë disa tipe hibride, BMW po punon për hibridin e saj të parë luksoz, po ashtu edhe Mercedesi”.Prodhuesit e makinave shpresojnë gjithashtu t’i nxjerrin konsumatorët nga pesimizmi i ngecjes duke ofruar makina me ngjyra të ndezura.

Octavio Navarro është zëdhënës i kompanisë Ford.

\"Të gjithë kanë ngjyra të ndezura. Ndryshe nga grija dhe e zeza klasike, kemi filluar të shikojmë në rrugë makina të verdha dhe blu. Fordi do të nxjerri këtë vit modelin Fiesta të 2011s, dhe një nga ngjyrat e mia të preferuara është jeshile e ndezur”.

Makinave do t’u shtohen në masë elemente të teknologjisë së lartë, thotë Dan Strong, redaktor i monitorimit të revistës Auto Express. \"Shumë nga prodhuesit po mendojnë të përfshijnë teknologjinë e re, si ekranet televizive që tregojnë shpejtësinë me të cilën ecën makina dhe drejtimin e saj, e që lidhen me Internetin”.

Por ndoshta prirja më e dukshme do të jetë dalja e Kinës si lojtar kryesor në treg. Presidenti i Nissanit për investimet, Yasuaki Hashimoto thotë se gjatë 2009 Kina pati një rritje prej 30 përqindësh në shitjen e makinave. \"Tregu kinez ka një potencial të madh pasi Kina sapo ka filluar modernizimin. Mendoj se Kina do të jetë tregu më i madh i botës shumë shpejt”.

Sipas një raporti të ri, Kina është përpara Shteteve të Bashkuara si tregu më i madh i botës për automjetet. Kjo do të thotë se më shumë makina amerikane do të projektohen për tregun kinez ndërkohë që ekonomia botërore hyn në dekadën e re.

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)