19 Shkurt 2020

Indeksi i çmimeve të prodhimit në Kosovë më i lartë për 1 për qind

Prishtinë, 6 dhjetor - Agjencia e Statistikave të Kosovës (ASK) ka publikuar Indeksin e Çmimeve të Prodhimit (IÇP) për tremujorin e tretë (TM3) 2018.

Indeksi i tërësishëm i çmimeve të prodhimit në Kosovë në TM3 2018 është më i lartë për 1.0%, krahasuar me TM2 2018.

Ngritje më të mëdha sipas degëve të veprimtarive ekonomike vërehen te: prodhimi i prodhimeve minerale jometalike (6.9%); prodhimi i pijeve (4.2%); prodhimi i makinerisë dhe pajisjeve p.k.t (4.1%); prodhimi i mobiljeve (2.8%); prodhimi i drurit dhe i prodhimeve të drurit dhe të tapës, përveç mobiljeve: prodhimi i artikujve nga kashta dhe materialeve të gërshetuara – thurëse (1.7%); energjia elektrike, gazi, avulli dhe furnizimi me ajër të kondicionuar (1.6%); përpunimi i prodhimeve ushqimore (1.3%); prodhimi i letrës dhe prodhimeve prej saj (1.2%); prodhimi i lëkurës dhe prodhimeve prej saj (0.9%); dhe prodhimet e gomës dhe të plastikës (0.2%).               

Ngritja u neutralizua me rënien e çmimeve te: nxjerrja e xehes së metalit (-13.3%); prodhimi i pajisjeve elektrike (-3.4%); prodhimet e fabrikuara metalike, përveç makinerisë dhe pajisjeve (-2.8%); prodhimet kimike (-2.7%); prodhimi i metaleve (-1.6%); dhe xeherorët dhe guroret e tjera (-0.1%).
 
Ndërsa, krahasuar TM3 2018 me TM3 2017, çmimet e prodhimit u ngritën në një mesatare prej 2.3%.

Ngritje më të mëdha sipas degëve të veprimtarive ekonomike vërehen te: prodhimi i metaleve (14.6%); prodhimi i makinerisë dhe pajisjeve p.k.t (7.3%); prodhimi i pajisjeve elektrike (6.0%); prodhimet minerale jometalike (5.5%); prodhimi i mjeteve motorike (të transportit), rimorkiove dhe gjysmë rimorkiove (3.3%);  prodhimi i drurit dhe i prodhimet pre tij dhe të tapës, përveç mobiljeve: prodhimi i artikujve nga kashta dhe materialeve të gërshetuara – thurëse (2.9%); energjia elektrike, gazi, avulli dhe furnizimi me ajër të kondicionuar (2.5%); prodhimi i mobiljeve (2.2%); prodhimi i letrës dhe prodhimeve prej saj (1.4%); përpunimi i prodhimeve ushqimore (1.3%); prodhimi i pijeve (1.3%); grumbullimi, trajtimi dhe furnizimi me ujë (0.8%); dhe prodhimet e gomës dhe të plastikës (0.3%).

Ngritja u neutralizua me rënien  e çmimeve te: nxjerrja e xehes së metalit (-11.1%); prodhimet kimike (-3.1%); prodhimi i lëkurës dhe prodhimeve prej saj (-1.9%); prodhimet e fabrikuara metalike, përveç makinerisë dhe pajisjeve (-1.8%); dhe xeherorët dhe guroret e tjera (-0.1%).
 

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)