20 Shtator 2018

Indeksi i çmimeve të prodhimit në Kosovë më i lartë për 0.4 për qind

Prishtinë, 8 dhjetor - Agjencia e Statistikave të Kosovës (ASK) ka publikuar Indeksin e Çmimeve të Prodhimit (IÇP) për tremujorin e tretë (TM3) 2017.

Indeksi i tërësishëm i çmimeve të prodhimit në Kosovë është më i lartë për 0.4% në TM3 2017, krahasuar me TM2 2017.

Rritje më të mëdha sipas degëve të veprimtarive ekonomike vërehen te: prodhimi i drurit dhe i produkteve të drurit dhe të tapës, përveç mobiljeve: prodhimi i artikujve nga kashta dhe materialeve të gëshetuara - thurëse (5.6%); prodhimi i metaleve (5.1%); prodhimi produkteve kimike (3.2%); prodhimi i lëkurës dhe produkteve prej saj (2.7%); prodhimi i pajisjeve elektrike (1.9%); prodhimi produkteve të gomës dhe të plastikës (1.6%); prodhimi i produkteve minerale jometalike (1.6%); prodhimi i pijeve (1.2%); prodhimi i produkteve të fabrikuara metalike, përveç makinerisë dhe pajisjeve (0.9%); dhe prodhimi i produkteve ushqimore (0.8%).  
          
Ngritja u neutralizua me rënien e çmimeve te: nxjerrja e xehes së metalit (-2.8%); prodhimi i mjeteve motorike (të transportit), rimorkiove dhe gjysmë-rimorkiove (-2.5%); energjia elektrike, gazi, avulli dhe furnizimi me ajër të kondicionuar (-2.3%); dhe prodhimi i mobiljeve (-0.1%).

Ndërkaq, krahasuar TM3 2017 me TM3 2016 çmimet e prodhimit u ngritën në një mesatare prej 5.6%.

Ngritje më të mëdha sipas degëve të veprmtarive ekonomike vërehen te: nxjerrja e xehes së metalit (48.7%); energjia elektrike, gazi, avulli dhe furnizimi me ajër të kondicionuar (21.6%); prodhimi i pajisjeve elektrike (2.8%); prodhimi i drurit dhe i produkteve të drurit dhe të tapës, përveç mobiljeve: prodhimi i artikujve nga kashta dhe materialeve të gëshetuara – thurëse (2.4%); prodhimi i lëkurës dhe produkteve prej saj (2.2%); prodhimi i produkteve kimike (2.2%); prodhimi i produkteve minerale jometalike (1.5%);  dhe prodhimi produkteve të gomës dhe të plastikës (0.1%).
 
Ngritja u neutralizua me rënien e çmimeve te: prodhimi i mjeteve motorike (të transportit), rimorkiove dhe gjysmë-rimorkiove (-2.5%); prodhimi i metaleve (-2.4%); prodhimi i produkteve ushqimore (-2.4%); prodhimi i makinerisë dhe pajisjeve p.k.t (-1.6%); prodhimi i produkteve të fabrikuara metalike, përveç makinerisë dhe pajisjeve (-1.3%); prodhimi i mobiljeve (-1.1%); prodhimi i pijeve (-0.6%); dhe prodhimi i letrës dhe produkteve prej saj
(-0.2%).       

 

Kalendari

Ngajrjet e datës 20 shtator 2018

 - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)

-  Kyetari i LDK-së Isa Mustafa mban mbledhje me kryetarë të degëve të LDK-së. (Hotel Sirius, ora 17:00)