09 Dhjetor 2018

Indeksi çmimeve të prodhimit në Kosovë pësoi rënie për 1 për qind

Prishtinë, 8 qershor - Agjencia e Statistikave të Kosovës ka publikuar Indeksin e Çmimeve të Prodhimit (IÇP) për tremujorin e parë të këtij viti (TM12 2018).

Indeksi i tërësishëm i çmimeve të prodhimit në Kosovë pësoi rënie për 1.0% në TM1 2018, krahasuar me TM4 2017.

Rënie më të mëdha sipas degëve të veprimtarive ekonomike vërehen te: energjia elektrike, gazi, avulli dhe furnizimi me ajër të kondicionuar (-4.9%); nxjerrja e xehes së metalit (-2.6%); prodhimi i pijeve (-1.4%); prodhimi i produkteve kimike (-0.3%); prodhimi i produkteve minerale jometalike (-0.2%); prodhimi produkteve të gomës dhe të plastikës (-0.1%); dhe prodhimi i letrës dhe produkteve prej saj (-0.1%).
 
Rënia u neutralizua me ngritjen e çmimeve te: prodhimi i metaleve (6.9%); prodhimi i mjeteve motorike (të transportit), rimorkiove dhe gjysmërimorkiove (3.8%); prodhimi i lëkurës dhe produkteve prej saj (1.6%); prodhimi i makinerisë dhe pajisjeve p.k.t (1.0%); prodhimi i mobiljeve (0.9%); grumbullimi, trajtimi dhe furnizimi me ujë (0.8%); prodhimi i produkteve ushqimore (0.7%); prodhimi i produkteve të fabrikuara metalike, përveç makinerisë dhe pajisjeve (0.4%); prodhimi i drurit dhe i produkteve të drurit dhe të tapës, përveç mobiljeve: prodhimi i artikujve nga kashta dhe materialeve të gëshetuara – thurëse  (0.3%); dhe prodhimi i pajisjeve elektrike (0.2%).

Ndërkaq, krahasuar TM1 2018 me TM1 2017, çmimet e prodhimit u ngritën në një mesatare prej 0.2%.

Ngritje më të mëdha sipas degëve të veprimtarive ekonomike vërehen te: prodhimi i pajisjeve elektrike (14.8%); prodhimi i lëkurës dhe produkteve prej saj (4.8%); prodhimi i drurit dhe i produkteve të drurit dhe të tapës, përveç mobiljeve: prodhimi i artikujve nga kashta dhe materialeve të gëshetuara – thurëse (4.7%); prodhimi i metaleve (2.5%); prodhimi i produkteve ushqimore (1.9%); prodhimi i mjeteve motorike (të transportit), rimorkiove dhe gjysmërimorkiove (1.2%); prodhimi i makinerisë dhe pajisjeve p.k.t (0.9%); grumbullimi, trajtimi dhe furnizimi me ujë (0.8%); prodhimi i produkteve të gomës dhe të plastikës (0.6%); dhe prodhimi i produkteve minerale jometalike (0.3%).

Ngritja u neutralizua me rënien e çmimeve te: nxjerrja e xehes së metalit (-2.8%); energjia elektrike, gazi, avulli dhe furnizimi me ajër të kondicionuar (-1.4%); prodhimi i produkteve të fabrikuara metalike, përveç makinerisë dhe pajisjeve (-1.0%); prodhimi i produkteve kimike (-0.9%); dhe prodhimi i mobiljeve (-0.5%).
 

Kalendari

Ngjarjet e datës 10 dhjetor 2018 - Ambasador i Shteteve të Bashkuara të Amerikës, Philip S. Kosnett së bashku me ambasadorët e Mbretërisë së Bashkuar, Italisë dhe Francës,  të ngarkuarin me punë të ambasadës gjermane, Kryesuesen e Zyrës së BE-së në Kosovë, si dhe një përfaqësues të organizatës Iniciativa për Progres do të flasin gjatë hapjes së Javës kundër korrupsionit në Kosovë. (Sirius Hotel, ora 9:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë aktivitetin “Çohu për të Drejtat e Njeriut” për shënimin e 10  dhjetorit, Ditës Ndërkombëtare për të Drejtat e Njeriut.​  (Teatri Kombëtar të Kosovës, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për Ratifikimin e Marrëveshjes për Protokollin Shtesë 5 të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore si dhe shqyrtimi i vendimit të Qeverisë për emërimin e anëtarëve të Bordit të Agjencisë Kosovare të Privatizimit. (Ndërtesa e Kuvendit, salla N 303, ora 11:00)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve shëndetësore dhe rehabilituese për fëmijë. (Hotel Sirius, ora 10:00)

- Mbahet konferenca e Forumit të Rinisë së LDK-së me temën “Pa-siguria Sociale dhe Ekonomike e të Rinjve në Kosovë”. (Hotel Sirius, ora 10:00)

- Mbahen punimet e Forumit Kosovaro-Maqedonas të Sigurisë 2018, që organizohet nga Fondacioni “Konrad Adenauer Stiftung”, Kolegji AAB dhe Universiteti Kliement Ohridski, Fakulteti i Sigurisë, Shkup. (Kolegji AAB, ora 10:00)

- Klubi  Dëshira organizon promovimin e programit të Ndërmarrjes Sociale Dëshira. (Hotel Prishtina, ora 10:00)

-  Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Vushtrrisë. (Restaurant Holiday, ora 11:00)

- Muzeu i Kosovës për nder të ditës ndërkombëtare të drejtave të njeriut do të bëjë promovimin e katalogut me imazhe taktile dhe të përkthyer në Brail në bashkëpunim me shoqatat e të verbërve në Kosovë. (Muzeu i Kosovës, ora 11:00)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë marshin “Çohu për të Drejtat e Njeriut”, i cili fillon nga sheshi “Skënderbeu” deri te sheshi “Zahir Pajaziti”. (Sheshi “Skënderbeu”, ora 12:00)

 - Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi në parim i Projektligjit për Arsimin e Lartë në Republikën e Kosovës(Ndërtesa e Kuvendit, salla N 303, ora 13:00)

- Me rastin e 10 Dhjetorit, Ditës Ndërkombëtare të të Drejtave të Njeriut, Kolegji AAB në bashkëpunim me KMDLNJ organizojn tryezë që i kushtohet Adem Demaçit, fitues i Çmimit Saharov dhe çmimeve të tjera ndërkombëtare për të drejtat e njeriut. (Qendra Mediale e Kolegjit AAB, ora 14:00)

- Qendra Kinematografike e Kosovës në bashkëpunim me Shtëpinë e Kulturës në Bujanoc organizojn Javën e Filmit të Kosovës në Bujanoc. (Shtëpia e Kulturës në Bujanoc, ora 17:00)

- Mbahet ceremonia e dorëzimit të çmimit që shënon Ditën Ndërkombëtare Kundër Korrupsionit për të falenderuar publikisht kontributet e gazetarëve të guximshëm të cilët zbulojnë rastet e korrupsionit dhe për të rritur ndërgjegjësimin përmes tregimeve të tyre. (Grand Hotel, ora 17:30)