23 Tetor 2019

Inaugurohet fabrika italiane në Parkun e Biznesit të ndërtuar nga MTI-ja

Prishtinë, 22 qershor - Zëvendësministrja e Tregtisë dhe Industrisë, Arbëreshë Krasniqi, mori pjesë në hapjen e fabrikës “Arkos”, kompani italiane, në Parkun e Biznesit në Drenas.

Krasniqi tha se hapja e kësaj fabrike është lajm i mirë për Kosovën, sepse po dëshmohet që Qeveria e Kosovës, konkretisht Ministria e Tregtisë dhe Industrisë është duke krijuar kushte për investitorët e huaj.

“Ne po punojmë shumë që të krijojmë kushte sa më të favorshme, që përmes Ligjit për Investime Strategjike e kemi bërë edhe më të lehtë investimin në Kosovë, sepse janë thjeshtëzuar procedurat dhe është shkurtuar koha deri te marrja e statusit te investitorit strategjik. Për MTI ka shume rëndësi nisja e kësaj fabrike sepse po ndikon ne zhvillimin ekonomik te Kosovës dhe hapjen e vendeve te reja te punës”, tha Krasniqi.

Zëvendësministrja falënderoi shtetin italian për mbështetjen e Kosovës, para dhe pas luftës.

“Italia është njëri nga vendet që ka ndihmuar shumë Kosovën në konsolidimin e shtetësisë, dhe hapja e kësaj fabrike tregon se Italia vazhdon ta dëshmojë miqësinë me Kosovën edhe në aspektin ekonomik”.

Krasniqi tha se kushdo që sot e ka Kosovën në hartën e vet për të investuar, mund të llogarit në një treg që përfshin mbi 10 milionë banorë, sepse Kosova ka ndërtuar autostrada moderne që lidhet me shtetet fqinje.

Ajo përmendi edhe rinin, që sipas saj, janë shumë inovative dhe e mësojnë punën shpejt.

“Kosova ka një rini shumë inovative, që mësojnë punën shumë shpejt, dhe flasin pothuajse të gjithë anglisht, që është përparësi”.

Zëvendësministrja tha se ndërtimi i Zonave Ekonomike që është duke i bërë MTI-ja, dëshmon se po krijohen kushte për bizneset e huaja dhe vendore.

“Ministria e Tregtisë dhe Industrisë është duke krijuar kushte përmes infrastrukturës fizike, siç janë ndërtimi i Zonave Ekonomike, që është vendosur edhe kompania ‘Arkos’, dhe infrastrukturës ligjore, që tashmë është kompletuar me Ligjin për Investime Strategjike”, tha Krasniqi.
 

 

Kalendari

Ngjarjet e datës 24 tetor 2019 - Mbahet konferenca më e madhe në rajon në fushën e Teknologjisë së Informacionit dhe të Komunikimit Tech Festivalitn KosICT8. (Ambientet e “Kino Armatës” dhe në amfiteatrin e sheshit “Zahir Pajaziti”, ora 9:30)

- Komuna e Prizrenit mban mbledhjen e radhës te Këshillit Komunal për Siguri në Bashkësi, e thirrur nga kryetari, Mytaher Haskuka. (Ndërtesa e Kuvendit të Komunës, Shtëpia e Bardhë, ora 10:00) 

- Zëvendësshefi i Zyrës së BE/PSBE, Riccardo Serri, do të vizitojë Qendrën Mësimore në Fushe Kosove, që është pjesë e projektit të financuar nga BE i cili synon të sigurojë prospekte më të mira për arsim për fëmijët dhe të rinjtë rom, ashkali dhe egjiptian. (Qendra Mësimore në Lagjen 29 në Fushë Kosovë, afër stacionit të trenave, qendra Fidan Lahi, ora 10:00) 

- Për nder të jubileut të 10-vjetorit të punës së Gjykatës Kushtetuese do të mbahet konferenca ndërkombëtare në temën “Sigurimi i sundimit të ligjit dhe i të drejtave të njeriut përmes mekanizmave të drejtësisë kushtetuese: Sfidat e shekullit 21”. (Hotel Emerald, ora 10:00)

- Instituti Kërkimor për Çështje Evropiane dhe të Zhvillimit bnë prezantimin e studimit të radhës brenda serisë së studimeve rreth fazes finale të dialogut Kosovë - Serbi për Pretendimet e Serbisë mbi ‘Investimet’ në Kosovë nga Ndërmarrjet Shoqërore Serbe pas Vitit 1999 në Kontekstin e Marrëveshjes Eventuale Ndërmjet Kosovës dhe Serbisë. (Hotel Sirius, ora 10:15)

- KEDS organizon aktivitetin me rastin e Javës Evropiane për Siguri dhe Shëndet në Punë. (Qendra e Trajnimit ngjitur me Parkun e Biznesit në Drenas, ora 10:30)

- Agjencia për Arsim dhe Aftësim Profesional dhe Arsim për të Rritur organizon aktivitetin e shënimit të themelimit të qendrës për karrierë në Shkollën e Mesme të Lartë Profesionale “Shtjefën Gjeçovi”. (Objekti i SH.M.L.P “Shtjefën Gjeçovi” në Prishtinë, ora 10:30)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Fehmi Agani" në Gjakovë Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Gjakovë, ora 11:00)

- SOS Fshatrat e Fëmijëve Kosovë organizojnë ceremoninë e hapjes zyrtare të projektit “Fuqizimi dhe aftësimi i të rinjëve përmes mundësive të reja – YEEP!”. (Hotel Emerald, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën e Mesme të Lartë "Gjon Buzuku" në Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Prizren, ora 13:00)

- Rrjeti i Grave të Kosovës organizon konferencë për media për të shpallur zyrtarisht përfituesit e granteve të Fondit të Grave të Kosovës me shumën prej 66,429.50 euro. (Hotel Sirius, ora 14:00)

- Në kuadër të panairit ndërkombëtar të Agrobiznesit dhe Ushqimit mbahen takimet B2B me bizneset e Malit te Zi. (Salla 1 Tetori, ora 14:00)