20 Tetor 2018

Haradinaj siguroi se do të jetë në përkrahje të përpunuesve të Drurit

Prishtinë, 24 nëntor - Kryeministri i Republikës së Kosovës, Ramush Haradinaj, priti në takim Kryetarin e Bordit të Shoqatës së Përpunimit të Drurit në Kosovë, Hashim Deshishku dhe Drejtoreshën Ekzekutive, Arieta Vula-Pozhegu.

Kryeministri Haradinaj vlerësoi lart arritjet e këtij sektori në Kosovë, duke theksuar se sektori i industrisë së drurit ka rëndësi të madhe në zhvillimin ekonomik të vendit.

Kryeministri Haradinaj, po ashtu i siguroi se do të jetë në përkrahje të këtij sektori, në mënyrë që t’iu mundësohet  prodhuesve të industrisë së drurit që të jenë konkurrentë edhe me prodhimet e Bashkimit Evropian.

Përfaqësuesit e Bordit të Shoqatës së Përpunimit të Drurit në Kosovë, e kanë njoftuar kryeministrin Haradinaj për gjendjen aktuale në industrinë e përpunimit të drurit dhe problemet me të cilat ballafaqohen ata.

Në takim është biseduar, poashtu, për gjendjen aktuale të industrisë së drurit në Kosovë dhe për organizimin e Konventës së Dytë të Industrisë së Drurit, e cila ka për qëllim rritjen e konkurrueshmërisë së kësaj industrie krahas industrive tjera. 

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)