20 Shtator 2018

Haradinaj dhe Zaev vizituan Kompaninë “Vitaminka Trade”

Prishtinë, 12 dhjetor - Kryeministri i Republikës së Kosovës, Ramush Haradinaj, dhe kryeministri i Maqedonisë, Zoran Zaev, kanë vizituar Kompaninë “Vitaminka Trade”.

Para të pranishmëve, përfaqësues të bizneseve nga Kosova dhe Maqedonia, kryeministri Haradinaj tha se bashkëpunimi mes Kosovës dhe Maqedonisë është shumëdimensional.

“Krahas bashkëpunimit politik, në planin rajonal e global, kemi interes të madh edhe në bashkëpunimin ekonomik dhe ky bashkëpunim jeni ju, afaristët”, tha kryeministri Haradinaj, duke porositur që ky bashkëpunim të thellohet edhe më tutje.

Kryeministri më tutje tha se  Kosova dhe Maqedonia kanë bashkëpunim në shumë fusha, që është i vlerësueshëm, duke theksuar se edhe pse bilanci tregtar është i dobët për Kosovën, ngaqë më shumë importohet sesa eksportohet.

“Shpresojmë që në të ardhmen, në rast se aktivizojmë minierat e qymyrit, mund edhe të eksportojmë qymyr në Maqedoni, duke rregulluar bilancin tregtar në mes dy vendeve”, tha kryeministri Haradinaj.

Kryeministri i Maqedonisë, Zoran Zaev, shprehu besimin se bashkëpunimi midis dy vendeve në këmbimin tregtar dhe në zhvillimin e bizneseve do të zhvillohet në interes të dyanshëm dhe në shërbim të ngritjes së standardit të qytetarëve dhe të hapjes së vendeve të reja të punës. Kryeministri Zaev në këtë kontekst ka ripërsëritur se përfundimi i autostradës që lidhë dy vendet, do të avancojë edhe më shumë bashkëpunimin ekonomik midis dy vendeve tona.

Rasim Merlaku, drejtor  gjeneral i “Vitaminka Trade”, shprehu kënaqësinë për vizitën që dy kryeministrat i bënë kompanisë së tij, e cila bashkëpunon me prodhuesin më të madh në Maqedoni. “Vitaminka Prilep” që nga viti 1973. ‘Bashkëpunimi ynë do të thellohet edhe më shumë në vitin 2018, me projektin e përbashkët për prodhimin e përbashkët të produkteve ushqimore edhe në Kosovë”, tha ai, duke theksuar rëndësinë që ka për bizneset ndërtimi i Autostradës Prishtinë-Shkup. 

Kalendari

Ngajrjet e datës 20 shtator 2018

 - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)

-  Kyetari i LDK-së Isa Mustafa mban mbledhje me kryetarë të degëve të LDK-së. (Hotel Sirius, ora 17:00)