24 Tetor 2018

Gjilani storie e fuqishme e suksesit në prodhime të ndryshme

Gjilan, 1 dhjetor - Në Komunën e Gjilanit sot është inauguruar fabrika tjetër e radhës e përpunimit të mishit dhe produkteve të mishit “Malësia”, që në këtë ceremoni ishte i pranishëm edhe kryetari i Komunës së Gjilanit Lutfi Haziri dhe ish kryeministri i Kosovës, Isa Mustafa me bashkëpunëtor.

Kryetari Lutfi Haziri, ka uruar pronarin e fabrikës për këtë sukses dhe ka kërkuar mobilizimin e fondeve shtesë në kodin e subvencioneve për bujqësinë, sepse tregu për shitjen e gjedhit në Gjilan, Kosovë dhe më gjerë tashmë është i sigurt në fabrikat e Komunës së Gjilanit që sot i shtohet edhe fabrika e dëshmuar tashmë “Malësia”.

“Komuna e Gjilanit, përmes drejtorisë së Bujqësisë do të shtoj angazhimet dhe mbështetjen për fermerët në kultura të ndryshme bujqësore, por një përkushtim do të ketë edhe tek sektori i blegtorisë dhe kryesisht në rritjen e gjedhit sepse është i domosdoshëm ngase kërkesat janë shumë të mëdha. Fabrika për përpunimin e mishit “Malësia” së bashku edhe me fabrikat dhe përpunuesit e tjerë të mishit në Gjilan po i japin gjithnjë e më shumë këtij qyteti epitetin e një qendre të madhe ku zhvillimi i sektorit privat është i mundshëm dhe garanton edhe zhvillimin ekonomik. Kjo fabrikë është një shembull i mirë në Gjilan dhe është një pasqyrë se si të veprohet edhe nga prodhues dhe biznesmen të tjerë”, ka thënë kryetari Haziri.

Sikur edhe më parë edhe në këtë ngjarje, kryetari Haziri, ka kërkuar nga qytetarët e Gjilanit dhe të Kosovës, që të konsumojnë prodhimet e mishit të prodhuara në Kosovë dhe në Gjilan, ndërsa nga fermerët ka kërkuar angazhim për shtim të numrit të gjedhit sepse tregu në Gjilan tashmë është i siguruar.

Kryetari Haziri ka thënë se në planifikimin e ardhshëm me shkollën e agro biznesit në Gjilan, do ta kemi parasyshë përpunimin e mishit dhe drejtime të tjera përcjellëse për ta bërë më të fuqishëm përgatitjen e kuadrove për këtë lëmi.

Ndërsa në fjalën e tij ish kryeministri i vendit Isa Mustafa, ka thënë se Gjilani është dëshmuar në fusha të ndryshme si qytet që ecë fuqishëm përpara duke u nisur që nga arsimi, shëndetësia, kultura në përgjithësi e deri te zhvillimi ekonomik dhe të bërit biznes.

“Ne kemi krijuar standart të qartë të zhvillimit dhe platforma jonë e biznesit ishte qëllim i kësaj natyre, që biznese të vogëla dhe të mesme të jenë gjithnjë e më shumë sepse fuqia e punësimit do të ishte më e madhe dhe qëndryeshmëria e tyre do të ishte më e lehtë. Nga çfardo pozite politike dhe ekzekutive që do të kemi, ne do të jemi gjithmonë pranë bujkut, pranë zhvillimit, arsimit dhe fushave të ndryshme të jetës në Gjilan dhe Kosovë, sepse është interes yni i përbashkët zhvillimi ekonomik dhe ndërtimi i vendit”, ka thënë mes tjerash Mustafa.

Ndërsa Nehat Spahiu, pronar  fabrikës, “Malësia”, ka falënderuar të gjithë të pranishmit dhe të gjithë ata që e ndihmuan në rrugën e tij të zhvillimit. Ai poashtu ka paralajmëruar se kjo fabrikë do të vazhdoj tutje edhe me produkte të tjera dhe me angazhime shtesë fusha të tjera të prodhimit. 

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)