06 Qershor 2020

Ferronikeli nuk ka detyrim për të kompenzuar pronat e shpronësuara para privatizimit

Prishtinë, 13 dhjetor - NewCo Ferronikeli Complex L.L.C ka reguar në lidhje me çështjen gjyqësore që ka me familjen Makolli.

"Ne si kompani, kemi ushtruar padi në Gjykatë në vitin 2011 për lirim të pronës pasi që disa nga anëtarët e familjes Makolli kanë ndërtuar shtëpi në pronën që është e privatizuar nga ana e kompanisë NewCo Ferronikeli", thekson NewCo Feronikeli.

Me këtë padi NewCo Feronikeli ka kërkuar lirimin e pronës. Kjo pronë është shpronësuar në vitet e ‘80.

Persona të caktuar sipas NewCo Feronikelit pretendojnë se asnjëherë nuk janë kompenzuar nga shtet.

Mirëpo kjo sipas tyre nuk është cështje që i takon kompanisë NewCo Ferronikeli, pasi që kompania NewCo Ferronikeli është privatizuar pa asnjë kusht për të bërë kompensimin e pronave që janë shpronësuar para procesit të privatizimit. 

"Sa i përket ankesës të drejtuar nga familja Morina, gjykata ka refuzuar kërkesën e tyre që të ndalohet prerja e drunjëve për faktin se prona është e regjistruar në emër të NewCo Ferronikeli dhe se NewCo Ferronikeli nuk ka marr asnjë detyrim nga AKP për të kompenzuar pronat e shpronësuara para privatizimit", sqaron ne fund NewCo Feronikeli.

 

Kalendari

Ngjarjet e datës 6 Qershor 2020

- Mbahet mbledhja e Qeverisë së Kosovës. (Ndërtesa e Qeverisë, ora 10:00)

- Ministria e Infrastrukturës ndalon qarkullimin e automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes për shkak të zhvillimit të punimeve. (Segmenti “Konjuh-Babush” autoudha “Arbën Xhaferi”, ora 10:00)

 

- Partia Demokratike e Kosovës, mban konferencë për media. (Selia e Partisë Demokratike të Kosovës, ora 15:00)