23 Tetor 2019

Burokracia e lejeve ndërtimore, pranimit dhe legalizimit po prodhojnë Korrupsion

Prishtinë, 13 qershor - Aleanca Kosovare e Bizneseve ka mbajtur sot një takim pune me përfaqësues të sektorit të ndërtuesve dhe prodhuesve të materialit ndërtimor ku diskutuan për  pengesat dhe sfidat të cilat ky sektor po ballafaqohet në Kosovë.

Në këtë rast Agim Shahini, Kryetar i AKB-ës tha se sektori i Ndërtimtarisë në Kosovë është një nga sektorët metë zhvilluar ku ne BPV merr pjesë me 8%, kurse në Punësim rreth 13% dhe me një kosto të pagës mesatare mujore rreth 390 € por ky sektor po ballafaqohet me probleme të natyrave të ndryshme siç janë leja  e ndërtimit, pranimit dhe legalizimit e që për të gjitha këto ka burokraci evidente e që kjo po prodhon edhe Korrupsion.

Riaktivizimi i sektorit të sektorit të ndërtuesve dhe prodhuesve të materialit ndërtimor në kuadër të AKB është si kërkesë imediate nga shumë biznese dhe për këtë ne jemi të gatshëm të ndihmojmë këtë sektor i cili premton zhvillim dhe punësim të qëndrueshëm duke ndal hovin e ikjeve të të rinjëve nga vendi.

Brahim Selimaj,  Kryesues i sektorit të Ndërtuesve dhe Prodhuesve të materialit Ndërtimor në kuadër të AKB-së tha se ne si Ndërtues, prodhues dhe shërbyes të Kosovës ballafaqohemi me shumë probleme siç është kyçja në infrastrukturë, shërbimet publike si: energjia elektrike, kanalizimi, ujësjellësi, mbeturinat dhe marrja e lejeve për ndërtim, legalizim, teknik  dhe të gjitha këto e pamundësojnë investitorin që të ja bartë pronën blerësit por edhe të jep si hipoteke në bankat komerciale.

z. Sefedin Gashi, Pronar i Kompanisë së Ndërtimit FIJONA  tha se  nga muaji Mars 2018 ballafaqohet  me probleme të energjisë elektrike  për të cilat i ka paguar të gjitha obligimet dhe Trafon mbi 50 mijë euro dhe në mungesë të dëshirës të KEDS-it unë jam detyruar  të përdor gjeneratorin për të cilën shpenzoj më shumë se 100 euro në ditë.

Zelqif Berisha – Pronar i Fabrikës SILCAPOR për prodhimin e bllokave, tha se problemi me KEDS- është permanent  edhe pse ne si Fabrikë  jemi ne kategorinë A+ pa paralajmërim kam ndërprerje të energjisë elektrike, ku humbje ne start kam 8- 10 mijë euro vetëm në një ndërprerje të energjisë elektrike.

Blerim Uka, Kompania ADK tha se përkundër pagesës së taksave ne duhet të paguajmë prap kyçje ne infrastrukturë dhe kjo merr kohë dhe shpenzim shtesë ku Ligji për Ndërtim në Kosovë i ka te rregulluara.

Nezir Osmanaj, Kompania Osmanaj ING tha se ka mungesë të vullnetit  dhe zvarritje të vendimeve nga ana e komunave të Kosovës të lëshuara nga MPHK te shkallës së dytë të cilat nuk i zbatojnë.

Të gjithë u pajtuan se problemet janë të mëdha dhe këto duhet të adresohen në institucionet lokale dhe qendrore.

 

Kalendari

Ngjarjet e datës 24 tetor 2019 - Mbahet konferenca më e madhe në rajon në fushën e Teknologjisë së Informacionit dhe të Komunikimit Tech Festivalitn KosICT8. (Ambientet e “Kino Armatës” dhe në amfiteatrin e sheshit “Zahir Pajaziti”, ora 9:30)

- Komuna e Prizrenit mban mbledhjen e radhës te Këshillit Komunal për Siguri në Bashkësi, e thirrur nga kryetari, Mytaher Haskuka. (Ndërtesa e Kuvendit të Komunës, Shtëpia e Bardhë, ora 10:00) 

- Zëvendësshefi i Zyrës së BE/PSBE, Riccardo Serri, do të vizitojë Qendrën Mësimore në Fushe Kosove, që është pjesë e projektit të financuar nga BE i cili synon të sigurojë prospekte më të mira për arsim për fëmijët dhe të rinjtë rom, ashkali dhe egjiptian. (Qendra Mësimore në Lagjen 29 në Fushë Kosovë, afër stacionit të trenave, qendra Fidan Lahi, ora 10:00) 

- Për nder të jubileut të 10-vjetorit të punës së Gjykatës Kushtetuese do të mbahet konferenca ndërkombëtare në temën “Sigurimi i sundimit të ligjit dhe i të drejtave të njeriut përmes mekanizmave të drejtësisë kushtetuese: Sfidat e shekullit 21”. (Hotel Emerald, ora 10:00)

- Instituti Kërkimor për Çështje Evropiane dhe të Zhvillimit bnë prezantimin e studimit të radhës brenda serisë së studimeve rreth fazes finale të dialogut Kosovë - Serbi për Pretendimet e Serbisë mbi ‘Investimet’ në Kosovë nga Ndërmarrjet Shoqërore Serbe pas Vitit 1999 në Kontekstin e Marrëveshjes Eventuale Ndërmjet Kosovës dhe Serbisë. (Hotel Sirius, ora 10:15)

- KEDS organizon aktivitetin me rastin e Javës Evropiane për Siguri dhe Shëndet në Punë. (Qendra e Trajnimit ngjitur me Parkun e Biznesit në Drenas, ora 10:30)

- Agjencia për Arsim dhe Aftësim Profesional dhe Arsim për të Rritur organizon aktivitetin e shënimit të themelimit të qendrës për karrierë në Shkollën e Mesme të Lartë Profesionale “Shtjefën Gjeçovi”. (Objekti i SH.M.L.P “Shtjefën Gjeçovi” në Prishtinë, ora 10:30)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Fehmi Agani" në Gjakovë Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Gjakovë, ora 11:00)

- SOS Fshatrat e Fëmijëve Kosovë organizojnë ceremoninë e hapjes zyrtare të projektit “Fuqizimi dhe aftësimi i të rinjëve përmes mundësive të reja – YEEP!”. (Hotel Emerald, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën e Mesme të Lartë "Gjon Buzuku" në Prizren ku do të takoj drejtorin e kësaj shkolle, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës në Prizren, ora 13:00)

- Rrjeti i Grave të Kosovës organizon konferencë për media për të shpallur zyrtarisht përfituesit e granteve të Fondit të Grave të Kosovës me shumën prej 66,429.50 euro. (Hotel Sirius, ora 14:00)

- Në kuadër të panairit ndërkombëtar të Agrobiznesit dhe Ushqimit mbahen takimet B2B me bizneset e Malit te Zi. (Salla 1 Tetori, ora 14:00)