07 Qershor 2020

Bizneset kanadeze të interesuara për sektorin minerar

Prishtinë, 6 mars - Ministri i Zhvillimit Ekonomik, Valdrin Lluka, në ditën e dytë dhe të fundit të qëndrimit në Kanada,  ka prezantuar potencialet e Kosovës në sektorin minerar dhe sektorë të tjerë para  bizneseve të shumta kanadeze.

Ky prezantim zgjoi interesim të jashtëzakonshëm, gjë që u konfirmua menjëherë që një delegacion biznesor nga Kanadaja do të vij në Kosovë në muajin Shtator të këtij viti.

Më pas Ministri Lluka, ka zhvilluar takim shumë produktiv me Zëvendësministrin e  Energjisë  dhe Minierave të Turqisë, Mithat Cansız, nga i cili u informua që Qeveria  e Turqisë  ka themeluar një kompani ku për qëllim ka investimin në kompani minerare në mbarë botën.

Ata shprehen interesimin për një vizitë në Kosovë për të shikuar potencialet minerare nga afër.

Takimet pastaj vazhduan me kompani kanadeze tek zyret e Konsullatës së Kosovës në Toronto, ku tema kryesore ishte Trepça dhe zonat me interes të veçantë.

Vizita u përmbyll me takimin përfundimtar me bizneset e Shoqatës së bizneseve të diasporës kosovare në Toronto, ku Ministri  Lluka ka bashkëbisedoi me ta për potencialet investuese të diasporës duke ju kërkuar mbështetjen të më tutjeshme përmes hapjes së bizneseve në Kosovë të cilat do të gjeneronin vende të reja të punës.

Kalendari

Ngjarjet e datës 6 Qershor 2020

- Mbahet mbledhja e Qeverisë së Kosovës. (Ndërtesa e Qeverisë, ora 10:00)

- Ministria e Infrastrukturës ndalon qarkullimin e automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes për shkak të zhvillimit të punimeve. (Segmenti “Konjuh-Babush” autoudha “Arbën Xhaferi”, ora 10:00)

 

- Partia Demokratike e Kosovës, mban konferencë për media. (Selia e Partisë Demokratike të Kosovës, ora 15:00)