20 Gusht 2018

Beqaj zotohet se prodhuesit vendorë do të përkrahen edhe në aspektin ligjor

Prishtinë, 18 janar - Ministri i Ministrisë së Inovacionit dhe Ndërmarrësisë, Besim Beqaj, në kuadër të aktiviteteve për njohjen e ndërmarrjeve që synojnë rritjen e efektshmërisë së prodhimit përmes inovacionit, ka vizituar sot fabrikën për prodhimin e qeseve plastike “Scampa”.

Pas vizitës në hapësirat prodhuese të kësaj fabrike, ministri Beqaj ka theksuar rëndësinë e përkrahjes se prodhuesve kosovarë në rritjen e prodhimit dhe ngritjen e nivelit të eksporteve.

“Është jashtëzakonisht e rëndësishme për ne që të përkrahim prodhimin vendor dhe prodhimin që shkon drejt eksportit. Unë e sigurova prodhuesin “Scampa” se përkrahja institucionale nuk do të mungojë qoftë në bazën ligjore edhe në aspekte të tjera”, tha ministri Beqaj.

Ministri Beqaj inkurajoi pronarin e fabrikës “Scampa” me rastin e fillimit të bashkëpunimit me kompani belge për prodhimin, që përfshinë inovacion të tërësishëm për kryerjen e shërbimeve.

“Ajo që më bëri përshtypje është se të gjitha mbetjet riciklohen dhe kthehen në prodhim. Për mua janë shumë me rëndësi ambiciet e kompanisë “Scampa”, shtoi ministri Beqaj.

Pronari i fabrikës “Scampa”, Kujtim Gjevori, theksoi se themelimi i kësaj fabrike ka bërë që të ndalet importi i qeseve plastike dhe që tashmë kjo fabrikë synon eksportin edhe në vendet jashtë Kosovës.

Fabrika e prodhimit të qeseve plastike “Scampa” veprimtarinë e saj prodhuese e zhvillon në Parkun e Biznesit në Drenas.

Kalendari

Ngjarjet e datës 20 Gusht 2018

- Ramush Haradinaj merr pjesë në takimin e Grupit Punues për draftimin e Strategjisë së Sigurisë së Republikës së Kosovës. (Ndërtesa e Qeverisë - Salla P-31, ora 10:00 - Vetëm pamje)

- Mbahet ceremonia solemne e hapjes së punimeve të Seminarit XXXVII Ndërkombëtar për Gjuhën, Letërsinë dhe Kulturën Shqiptare. (Salla e madhe të Fakultetit tëFilologjisë, ora 11:00)

- Kryeministri Ramush Haradinaj merr pjesë në Seminarin e  37-të të Letërsisë, Gjuhës dhe Kulturës Shqipe. (Fakulteti Filologjik- Universiteti i Prishtinës, ora 11:00)
 
- Kryeministri Ramush Haradinaj viziton Komunën e Suharekës. (Objekti i Komunës, Suharekë, ora 14:00)