25 Shkurt 2021

AKP publikon studimin zhvillimor biznesor te Minierës së Goleshit

Prishtinë, 31 janar - Agjencia Kosovare e Privatizimit (AKP) ka njoftuar se ka publikuar projektin “Zhvillimi Biznesor i Minierës së Goleshit".

Projekti është financuar nga Ministria Federale Gjermane për Bashkëpunim Ekonomik dhe Zhvillim (BMZ), pas bashkëpunimit shumëvjeçar mes AKP-së dhe institucioneve gjermane, përmes Njësisë së Trepçës në AKP.

Punimet studimore të projektit janë realizuar nga ekspert të kompanive “Inros Lackner” dhe “EC Terra”, kurse kanë filluar në tetor 2018 dhe kanë përfunduar në dhjetor 2019.

Duke trajtuar MIM Goleshin si aset strategjik, AKP ka kërkuar studim për konfirmim të opinionit nëse kjo ish ndërmarrje shoqërore ka potencial zhvillimor me mundësi të krijimit të vendeve të punës dhe të hyrave, studim ky - nga ekspertë me përvojë dhe kredibilitet ndërkombëtar, i cili do të shqyrtoj mundësitë për një projekt profitabil, social, dhe mjedisor.

Pas përfundimit të projektit, Agjencia ka përfituar të dhëna të reja për mundësitë e shtimit të vlerës të MIM Goleshit, dhe vlerëson se këto të dhëna duhet t’i bëjë të qasshme edhe për publikun. Për këtë qëllim ka vendosur të publikoj versionin origjinal të këtij studimi në web faqen e AKP: www.pak-ks.org, në mënyrë që të shpalosë mundësitë si për institucionet  vendore, ashtu edhe për investitorët e interesuar, duke prezantuar mundësitë që ofron Goleshi dhe duke veçuar mundësinë relativisht të shpejtë për kthim të investimeve.

Në nëntor 2019, Agjencia ka prezantuar MIM Goleshin në Konferencën “Mines & Money” në Londër, dhe me këtë rast interesi i investitorëve për Golesh ka qenë i konsiderueshëm.

Agjencia ofron këtë studim për Institucionet e Republikës së Kosovës dhe investitorët e interesuar që kanë kapacitet për implementim të projektit në përputhshmëri me raportin e publikuar, për ta shfrytëzuar atë si pikënisje për inicim të bashkëpunimit të mëtutjeshëm.

Meqë studimi është përpiluar në gjuhën angleze, dhe përmban terme strikte teknike, që  mund të humbin kuptimin gjatë përkthimit, studimi publikohet në versionin origjinal të tij.

Agjencia ka falënderuar Qeverinë Gjermane për ndihmën dhe financimin e shumë projekteve madhore në të kaluarën, si dhe ndihmat e shumta në shkëmbimin e përvojave, dhe dhënies së këshillave të çmueshme dhe praktike nga Qeveria Gjermane.

Agjencia, gjithashtu ka falënderuar edhe Ambasadën Gjermane në Kosovë për përkrahjen e pa rezervë në kërkesat e Agjencisë për projekte zhvillimore, si dhe partnerin implementues të Projektit të fundit Studimor - Deutsche Gesellschaft für Internationale Zusammenarbeit - GIZ GmbH (Agjencia Gjermane për Bashkëpunim Ndërkombëtar), për punën profesionale dhe të palodhshme. Gjithashtu falënderojmë stafin e Goleshit për ndihmën dhe përkrahjen.

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)

 

- Komisioni Qendror i Zgjedhjeve mban mbledhjen e radhës.  (Objekti i KQZ-se, ora 13:00)