28 Shkurt 2020

Vullnetarët e Kosovës dhe Shqipërisë pastrojnë Drinin e Bardhë dhe te Zi

Prishtinë, 7 qershor - Në vazhdën e projektit “River Cleanup”,  “Let's Do It” së bashku me vullnetarët e Organizatës “Ta Pastrojmë Shqipërinë” u bashkuan për të pastruar hapësirat ku takohen dy lumenjtë, ai i Drinit të bardhë dhe Drinit të zi, në Kukës.

Fatkeqësisht brigjet ishin kapluar në masë të madhe nga mbeturinat e materialeve të ndryshme, ku mbizotëronte plastika. Gjatë këtij aksioni vullnetarët arritën të mbledhin mbi 100 thasë mbeturina.

Dihet se lumenjtë janë asete të pazëvendësueshme, andaj “Let's Do It” kërkon përgjegjësi më të madhe nga institucionet relevante si dhe u bën thirrje qytetarëve që të jenë më të kujdesshëm dhe të luajnë rolin që u takon në mbrojtjen e lumenjve.

Ky aksion e prezanton më së miri qëllimin e “River Cleanup”, që është bashkimi i vendeve përmes pastrimit të lumenjve. Në këtë rast u bashkua Shqipëria e Kosova, aty ku bashkohen edhe dy lumenjtë e Drinit.

Sot ishte dita e tretë e aktiviteteve për pastrimin e lumenjve. Kjo pasi, dy ditë më parë u organizuan aksione pastrimi te Ujëvara e Mirushës si dhe tek Drini i Bardhë në Radavc të Pejës. Këto aktivitete u organizuan për nder të Ditës Ndërkombëtare të Mjedisit – 5 Qershor.

“Let's Do It” do të vazhdojë me ndërmarrjen e aksioneve të tilla , meqë fokusi i strategjisë gjatë tërë vitit do të jetë tek lumenjtë.
 

Kalendari

Ngjarjet e datës 28 shkurt 2020  - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)