24 Tetor 2021

Vëhet nën tension linja e re 110 kV që lidhë Kosova A me Lipjanin

Prishtinë, 16 shtator -Operatori i Sistemit dhe Transmetimit të Kosovës (KOSTT) ka njoftuar se që nga sot është lëshuar nën tension linja e re e tensionit të lartë 110 kV që lidhë Nënstacionet 220/110 kV Kosova A me NS 110/35/10 kV Lipjani.

Linja në fjalë me gjatësi prej 3 km kalon në vendbanimet: Uglar (përgjat Autostradës) dhe Fushë Kosovë.

KOSTT lut qytetarët që gravitojnë në këto vendbanimeve që të kenë kujdes, pasi që linja nga momenti i energjizimit paraqet rrezik nga tensioni i lartë.

Ndërtimi i linjës së re 100 kV NS Kosova A - NS Lipjani është projekt i KOSTT i bashkëfinancuar me Bankën Evropiane për Rindërtim dhe Zhvillim #BERZH.
 

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)