Londër, 29 korrik – Vala e të nxehtit dhe temperaturat gati rekord në Evropë kanë ardhur për shkak të ndryshimeve klimatike, sipas një studimi të fundit të publikuar nga Universiteti i Oksfordit.

Studiuesit e Institutit të Ndryshimeve Mjedisore në Oksford bashkëpunuan me rrjetin e Vlerësimit Botëror të Motit për të analizuar valën e nxehtësisë në Europë.

Ata i krahasuan temperaturat e tanishme me të dhënat historike nga shtatë stacione metereologjike në Europën Veriore.

Rezultatet tregojnë se ndryshimi i klimës e ka më shumë se dyfishuar mundësinë e të nxehtit në Europë.

Gjithashtu, sipas të dhënave planeti po ngrohet dhe për disa nga stacionet metereologjike, temperaturat e tanishme janë më të lartat që kanë regjistruar ndonjëherë.