02 Dhjetor 2020

Udhëheqësit e arsimit të IOWA-s vizitojnë Qendrën Trajnuese të KEK-ut

Prishtinë, 13 maj - Drejtori Ekzekutivë i Shërbimeve të Korporatës Energjetike të Kosovës, (KEK), Edmond Nulleshi me bashkëpunëtorë, ka pritur në një vizitë Robert J. Denson, President i DMACC (rrjeti i kolegjeve profesionale) nga shteti IOWA-s të Shteteve të Bashkuara si dhe zëvendës presidentin Scott J. Ocken.

Përndryshe, DMACC konsiderohet si një nga institucionet më të mira arsimore profesionale në IOWA - SHBA - dhe një nga institucionet që ka pas rritjet më të shpejte dhe sipas Javës së Kolegjit të Komunitetit.  

Qëllimi i kësaj vizite ka qenë për t'u njohur me për se afërmi me mundësitë që ofron KEK-u me Qendrën Trajnimeve profesionale për përgatitjen e të rinjve për tregun e punës. Si dhe mundësinë e bashkëpunimit e dy institucioneve arsimore në të ardhmen.

Nulleshi, fillimisht e ka falënderuar z. Denson dhe z. Ocken për gatishmërinë që kanë treguar për ta vizituar KEK-un, respektivisht, Qendrën e Trajnimeve e po ashtu ka shpjeguar edhe për historikun e Qendrës së Trajnimeve dhe projektet e shumta që janë realizuar deri më tani në partneritet me organizatat ndërkombëtare dhe institucionet vendore.

 "Objekti i Qendrës së Trajnimeve ka një sipërfaqe të brendshme prej 1572 m2. Është e pajisur me Laborator, salla të trajnimeve, punëtori dhe me të gjitha pajisjet e nevojshme. Trajner profesional për mbajtje të trajnimeve për pjesën teorike dhe pjesën praktike dhe të cilët janë të certifikuar me standarde ndërkombëtare. Për më tepër, të gjitha programet janë të certifikuara me standarde ISO", ka thënë z. Nulleshi. Me pas stafi i Qendrës Trajnuese ka prezantuar të gjitha programet me të cilat është e certifikuar kjo qendër.

Nga ana tjetër, Presidenti Denson është ndarë shumë i kënaqur me pritjen dhe prezantimin e kapaciteteve që ka kjo Qendër si dhe me prezantimin nga menaxhmenti dhe trajnuesit profesional të KEK-ut.

"Vizita ne Qendrën Trajnuese të KEK-ut ka qenë shumë interesante dhe nga më impresionueset që kemi pasur në Kosovë. Ky është një institucion shumë i rëndësishëm edhe një mundësi e mirë për kandidatët e interesuar që të ndjekin trajnimet dhe të përfitojnë nga kjo mundësi në mënyrë që të pajisën me njohuri për këto drejtime specifike. Është shumë e rëndësishme që kandidatët pajisen edhe me certifikata të njohura ndërkombëtare dhe shpresojmë që në të ardhmen të kemi bashkëpunim mes dy institucioneve arsimore", ka potencuar ndër të tjera z. Denson
 

Kalendari

Ngjarjet e datës 2 Dhjetor 2020

- Sindikata e Infermierëve të Kosovës do të zhvilloj një takim me Minsitrin e Shëndetësisë, Armend Zemaj lidhur me kërkesat për rritje të pagesës së ndërrimeve të natës për infermier, pagesë të orëve shtesë dhe punës gjatë vikendeve si dhe për pagesë të rrezikshmerisë në punë. (Ndërtesa e Ministrisë, ora 8:30)

-  Komisioni Hetimor Parlamentar lidhur me procesin e privatizimit në Kosovë cakton datat e intervistave për dëshmitarë. (Ndërtesa e Kuvendit, salla N303, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale e Arsimit, Xhemile Thaçi - Vezgishi, do të marrin pjesë në përurimin e fillimit të punimeve për ndërtimin e aneksit të objektit shkollor “Naim Frashëri” në fshatin Vlashnje. (Vlashnje, ora 10:00 - Nisja nga Shtëpia e Bardhë, ora 9:30)

- Gjykata Kushtetuese e Republikës së Kosovës do të mbajë seancë dëgjimore publike në të cilën do të shqyrtohet kërkesa KO95/20, që për objekt të shqyrtimit ka: “Vlerësimin e kushtetutshmërisë së Vendimit të Kuvendit të Republikës së Kosovës Nr.  07/V-15, të miratuar më 3 qershor 2020, përkitazi me zgjedhjen e Qeverisë së Kosovës”. (http://gjk-ks.org/live-streaming/, ora 10:00)

- Lëvizja FOL organizon diskutim online ku do të publikohet raporti “Dështimet e Kuvendit në Funksionalizimin e Agjencisë për Informim dhe Privatësi”. (Diskutimi mbahet online përmes platformës ZOOM, ora 10:00)

- Komisioni për Buxhet dhe Transfere shqyrton raportin vjetor financiar i Këshillit Gjyqësor të Kosovës, Këshillit Prokurorial të Kosovës, Komisionit Qendror të Zgjedhjeve dhe Komisionit për Ndihmë Shtetërore si dhe Raportit të Ndihmës Shtetërore. (Ndërtesa e Kuvendit, salla C203, ora 10:00)

- Me rastin e 76 vjetorit të lindjes së ish-Presidentit Historik të Kosovës Dr. Ibrahim Rugova, kryesia e LDK-së bën homazhe te varri i tij. (Velani, ora 10:30)

- Organizata për Rritjen e Cilësisë në Arsim publikon raportin "Integriteti akademik, publikimi shkencor dhe justifikimi i titujve akademikë në Universitetin e Gjakovës". (Zyra e ORCA-s afër Librarisë Buzuku, ora 11:00)

- Kryeministri Avdullah Hoti merr pjesë në ceremoninë e inaugurimit të Kompleksit Memorial ‘’Dr. Ibrahim Rugova’’. (Istog, ora 12:00)

- Baleti Kombëtar i Kosovës mban konferencë për media me rastin e Premierës së shfaqjes “Sisters”. (Teatri Kombëtar i Kosovës, ora 13:00)

- Partia Demokratike e Kosovës mban konferencë për media në të cilen do të flasë shefi i Grupit Parlamentar, njëkohësisht, anëtari i Kryesisë, Bedri Hamza. (Zyret e Selisë Qendrore, ora 13:30)  

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës interviston drejtoreshën e Barnatores Qëndrore në SHSKUK-së, Gezime Pllana. (Ndertesa e Kuvendit, salla N303, ora 14:00)

- Mbahet ceremonia e nënshkrimit të marrëveshjeve të bashkëfinancimit në lidhje me “Thirrjen publike për subvencionim të NMVM-ve me pronësi të grave ndërmarrëse”, ku prezent do të jetë edhe ministri Vesel Krasniqi. (objekti i MTI-së, ora 14:00)

- Me rastin e fushatës "16 ditë aktivizëm për dhunën ndaj gruas", në bashkëpunim me UNDP-në do të bëhet ndriçimi i Shtëpisë së Bardhë ku do të jetë i pranishëm edhe kryetari i Komunës, Mytaher Haskuka dhe përfaqësuesja e Përhershme e UNDP-së në Kosovë, Maria Suokko. (Shtëpia e Bardhë në Pirzren, ora 16:00)